Dei Drom

vun Behrend Böckmann

In'n Holt, dor harr 'n Nådelbom
in'n Sommer all 'n schönen Drom:
hei drömt dorvon, dat dat nich wiet,
dat bald kümmt ran dei Wihnachtstiet.

Un as dei Tiet denn rannerkeem,
dei Holtwart sik 'n Såch denn nähm,
un hei måkt wohr den schönen Drom
von den hübschen Dannenbom.

Hei schämert in sien Wihnachtspracht,
un noch väl schöner as hei dacht
deit dei Gesang tau Lichten klingen,
dei "Stille Nacht" em Fräden bringen.