Sniffi un Snuffi wüllt na Huus


 

Ümmer wedder keek Snuffi in den Goorn!
Dor leeg noch to veel Snee up den Rasen.
Likers hebbt de beiden dat mal versöcht.

Wieder as bit an den Snee kemen se nich!

 


Bi'n Snee is Sluss!


Och du Schiet, wa seht de Blomen ut?

 

Up den Weg na ünnen sehgen de beiden, wat de Frost för'n Schaden anricht harr. Snuffi wull noch mal an den Märzenbeker trecken un bimmeln. Dat güng nich mehr, de weer twei!

De lütten Krokus legen al platt up den Rasen. Dat sehg richtig trurig ut.

"Weet's du wat?", meen dor Snuffi, "Wi bringt den leeren Korf na baven, den bruukt wi nich mehr!"

 


Dor büst platt: All Blomen sünd ok platt!


Keen schöne Utkiek!

Up de Finsterbank hebbt se up de Sünn töövt.


Up de warme Finsterbank is dat beter!

Neegsten Moorn hebbt Sniffi un Snuffi sik up de Terrass ümkeken. Dor weern al lütte Planten ut de Eer wussen!


Kiek, da leevt doch wat!


Rode Käver sünd dor! Sniffi mutt Snuffi dat unbedingt wiesen!

"Snuffi", reep Sniffi, "kiek mal, dor krabbelt lütte rode Käver up de Eer!"

"Oha, denn mööt wi gau los un de Fru Bescheed geven!"


Da! So smucke Käver! Un se maakt wirklich Koppstand!

De Käver möken al Koppstand! Wat de wull in de Eer söökt? Gifft dat dor wat
to'n Freten?

Nu möken Sniffi un Snuffi sik wedder up den Nahuusweg. Villicht harr de
Sünn wat vun den Snee uplickt!


Bottervagels! Also nu is de Lent aver dor!

En lütten Bottervagel seet in Sünnenschien un en Leberblöömchen harr ok ehr eerst Blööt upmaakt!

Aver en lütt Stück wieder wöör Snuffi wedder de verfroren Krokus wies. De harrn den Snee un den Frost nich afkunnt.


Berappelt sik de Krokus villicht ok?

Ümmer wedder leeg noch Snee in'n Weg. Se müssen lütte Ümweeg maken, kemen aver toletzt bi de Goornpoort an. Ahn Korf güng dat lichter!


Na bitte, geiht doch!


Bet an de Knee in'n Snee, dat kann en Oosterhaas nich schrecken!

Endlich kemen se bi de Goornpoort an!


Hier is de Goornpoort. De Oosterhasen hebbt för düt Johr ehr Opgaav erfüllt!

Se harrn dat schafft!


Man bloots rut, na Hus!

Glücklich lepen se wieder. Winken uns noch to un repen:

"Blievt gesund! Wi seht uns neegst Johr to Oostern wedder!"

Juuch Sniffi un Snuffi!


...un ehr Hasenkinner!


Un hier warrt de Geschicht vörleest:


Lesen deit Antje Heßler in holsteiner Platt.


Fotos un Text: Antje Heßler
16.4.2013


na baven