Sniffi un Snuffi harrn de Nacht in enen warmen Stall tobröcht. Snuffi keek toeerst na buten.
Wat weer dat? He kreeg kuum de Döör up. Överall leeg Snee!

Och du Schiet!

Dat weer allens witt. He keem kuum ut den Stall.

Wat schallst in so en Laag maken?!

Över Nacht weer'n se insniet!

Mit sien Stock möök Snuffi sik enen lütten Weg un güng vörsichtig ut de Döör.

"Nu kiek di dat blots an. Kannst meist nich na buten kamen", reep he Sniffi to. "Wees vörsichtig, ik help di!"

Denn kladdern de beiden achterenanner den Sneebarg hoch.

Ehr'n Weg güng ümmer wieder dörch den Snee.

Wo wull de Oostereier legen? Dor weer nix vun to sehn.

"Un wat wull uns lütten Kinner maakt? An de hebbt wi noch gor nich dacht."

"Hollstopp!", röppt Snuffi

Ganz ut de Puust kemen Sniffi un Snuffi bi den Kaninkenstall an. Se kemen genau to rechten Tiet. De lütten harrn al wedder de Stalldöörn upstött un wullen jüst na buten.

"Sniffi, kumm, hölp mi un maak de Döörn vun den Stall to!"

Sniffi weer glieks to Stell.

Ümmer noch full Snee vun Heven. Snuffi harr al dicke Sneeflocken up sien Antog! Wat sull blots ut Oostern warrn?

Sniffi schüttel sik vör Küll. "Nu laat uns blots sehn, dat wi na binnen kaamt."
Neven en Blomenvaas mit Winterlingen hett se sik mit ehr Kinner daallaten.

Dor seet al de Maler vun de Hasen. Em weer dat buten ok to natt un to kolt woorn.

Fief Eier harr he al anmalt. Dat sösste Ei leeg up sien Knee.
He harr Bang, dat de Farv nich reckt. Denn müss he noch wedder dörch den Snee un niege Farv halen.
In een Week weer al Oostern!
Wi sull dat blots wieder gahn?

Neegsten Dag schien twors de Sünn, aver de Snee weer noch nich wegdaut.
Villicht kunn he buten up den Terassendisch wieder arbeiden?

Sniffi un Snuffi kemen na enen Stoot ok na buten. Dor harr de lütt Maler al
söven Eier anmalt. Twee legen noch up den Disch. Nu kunn Oostern warrn.

Dor hebbt Sniffi un Snuffi ehr lütten Kinner halt. De töövten al up ehr Öllern.

All tosamen güngen se nu na de Fru.
Modder harr enen schönen Blomenstruß in Arm. Un Vadder harr den Korv vull Oostereier.

De Hasenkinner

Denn repen se in Chor: Frohe Oostern!

Dor kunn buten ruhig noch Sneedrieven sien.
Wi wünscht all de Minschen
en frohes Oosterfest!

Juuch Sniffi un Snuffi!

Lesen deit Antje Heßler in holsteiner Platt.