|
Mien säute Diern
Ein Danzleed för Kinner vun
Heidi Rumler
Melodie: Schustertanz,
as hei t.B. hier wiest is.
Kumm her, mien säute Diern,
Ik heff di gor tau giern.
Kumm her, vertell mi wat,
Versäuk dat mål up Platt.
Ik bün dien säute Diern,
Ik heff di ok so giern.
Ik kåm, vertell di wat,
Versäuk dat ok up Platt.
Gaut geiht't mi, wenn du bi mi büst,
Wenn mi an'n Morgen dei Sünn wåk küsst.
Kumm her, mien säute Diern,
Ik heff di gor tau giern.
Kumm her un sing' mål wat,
Versäuk dat mål up Platt.
Ik bün dien säute Diern,
Ik heff di ok so giern.
Ik kåm un sing' di wat,
Versäuk dat ok up Platt.
Un wenn ik richtig singen kann,
Denn fang' ik ok tau danzen an.
Kumm her, mien säute Diern,
Ik heff di gor tau giern.
Kumm her, dreih di, mien Kind,
So as dei Mœhl in'n Wind.
Ik bün dien säute Diern,
Ik heff di ok so giern.
Ik kåm un dreih geschwind
Mi as dei Mœhl in'n Wind.
Gaut geiht't mi, wenn du bi mi büst,
Wenn mi an'n Morgen dei Sünn wåk küsst.
Un wenn ik richtig singen kann,
Denn fang ik ok tau danzen an.
|
