De Wiehnachtsmann kümmt in
uns' Stadt
Ledertext na "Santa Claus is coming to town" vun Addi
Kahl
Pass beter op un blarr ok nich rüm,
treck keene Flapp, laat dat Mulen man sien.
De Wiehnachtsmann kümmt in Stadt un Lann.
He möökt sik ne List, prövt
se poormaal,
un he find ok ruut, op du ok nett weerst maal.
De Wiehnachtsmann, de kümmt in Stadt un Lann.
He süht allens, ok wenn du slapen geihst,
he weet genau, nu büst du waak.
He markt sik, op du to füünsch weerst,
villicht ok leef an macheen Dag.
Du, pass beter op un blarr ok nich rüm,
treck keene Flapp, laat dat Mulen man sien.
De Wiehnachtsmann, de kümmt in Stadt un Lann!
Bloots Geschenke kriggt, wer leev weer,
so weer t all eh un je.
He haalt se von sien Sleden rin,
lett mancheen Sleef sien Rute spürn...
Du, pass beter op un blarr ok nich rüm,
treck keene Flapp, laat dat Mulen man sien.
De Wiehnachtsmann, de kümmt in Stadt un Lann.
De Wiehnachtsmann, de kümmt in Stadt un Lann!
|