Elkeen Enn
is en niege Anfang:
Mareikes Puk kümmt inn Heven
De Pukkenvertellsel sünd keen Heidenkraam. De Schlutuper un Gothmunder Fischers un Fischhändlers stellten sik ünner den Schutz vun den Hilligen Andreas. Se buuten em 1436 en Kark.
Wenn een genau henkeek, fünn een an manch en Fischerhuus en Uhlenlock. Villicht weeren dor ok Pukken? Dat weer up alle Fäll en gaude Tiet för Fischverarbeiden. 1907 geev dat 24 Bedrieve, 1929 40 Warke. Hawesta geev dat vun 1909 bit 2009.
Dat weeren gaude Johren bi de Fischrökerer un Fischbrader west. As noch de Konservendoos erfunnen weer, kunnen se gor nich so veel Fisch rankriegen, as de Fruuns in de Dosen packten un de Deckel updreihten. Jümmer niege Rezepte wöörn utprobeert. Jümmer miehr Verdrääg müßten för Fischanlevern slåten warden.
Bi Villeroy un Boch harrn veele Fruuns Arbeid ut Lübeck, se weeren in de Platten. Nu brukte ok Carl jümmer miehr Hülpskräfft. De kemen ut Meckelborg. Schlutup harr den Nadeil, dat dat buten vör Lübeck an de Traav liggt. Allens aver ging bestens ut: Na Slutup föhrte een Elektrische, de so utseihn hett as düsse.
Carl müßt gor nich veel warven: Hei weer as en gauden Brötchengever bekannt. Veele Fruun fünnen bi ehm Arbeid. Se güngen in de Fisch.
Vun disse Fruuns warden in Slutup vele Geschichten vertellt. In de Schaulen schallen de Rektoren in Konferenzen seggt hebben: Un wat seggt de Fruuns in de Fisch dortau? Un dat wöör iernst un wichtig nahmen. In de Elektrischen, de na Slutup föhrten, röök een, wohen un woher de Reise güng. Dat röök beten scharp na Fisch. Un wenn sik een beklagte, denn drängelten de Fruuns em an de neegst Holl-Statschoon ut de Elektrische rut. Fasthollen hülp nich. Dat harr sik ok bald rümspraken.
So vergüngen de Johr. Corl un Anna wöörn old. Nakamen föhrten de jümmer grötter worrne Fischverarbeitung. Överall weeren de Produkte ut Slutup to köpen: Hawesta.
Nu bün ik 17 Johr up Olendeil un kaam nich miehr so rüm. Dat Bladd is mien Verbinnen mit de Welt. Und wat lees ick dor 2009?
Rügen Fisch hett alle Fruuns in de Schlutuper Fisch behollen. Dat wöörn noch miehr instellt. De Produkte, so verspröök Rügen Fisch, wöörn wieder mit den Naam Hawesta up den Markt bröcht. Dat müßt ik kuntrulleren. Inge hett in en Inkoopsmarkt in Stockelsdörp dat Fischrebett ünnersöcht. Denn hett se mi in de Stüttkoor mitnahmen. Wi fünnen:
Un wat mit Mareikes Puk nu woll weer? Hei harr över 100 Johr Jan und Mareikes Nakamen bistahn. Na Jan sien Klabautermann dörfte ok de Puk an de Hevensdöör nafragen, wat hei rinkamen kunn.
Dat weer en wunnerbore Weg för Mareikes Puk. De Heven süng: Halleluja! De Puk keem inn Heven. Un se süngen em de teihn Wiespahls vör: De eerste Wiespahl:
De tweete Wiespahl:
De drütte Wiespahl: De veerte Wiespahl:
De föffte Wiespahl:
De sösste Wiespahl:
De sövente Wiespahl:
De achde Wiespahl:
De neegente Wiespahl:
De teihnte Wiespahl: Na Ernst Hansen Un hier warrt de teihn Wiespahls vörleest:
|
||
Histoorsche Fotos ut dat Book vun Hans Westphal 1907 Bild Andreaskark: MrsMyersDE/Wikimedia Commons Na de Översicht över Pukken un anner Geister Rudi Witzke
17.10.2010 |