Murkel mutt na'n Dokter

Hier bün ik wedder!
Juuch Murkel.


Hier köönt Ji nau sehn, woneem mi dat weh dä! För mi is dat de linke Siet, aver as Ji mi vun vörn ankiekt, is dat för Ju de rechte Siet. Mann, is dat vigeliensch!

As de Fru mi dat letzt Maal ut de Baadwann haal, hett se mi niep un nau ünnersöcht.


In de Baadwann is dat so schöön, da kann ik dat Aua glatt vergeten...

Ik harr siet en poor Daag up de linke Siet vun mien Snuut en kaputte Stell. De wull un wull nich afhelen. Ik kunn al gor nich mehr richtig freten. Wi müssen na'n Dokter!


Ik will aver doch nich! Laat mi!


Da krieg ik hier de Nees reinmaakt as en Baby! Pfui!

Vörsichtig hett se mi na dat Baad de kaputte Stell afdröögt un mi denn in en sauber Handdook wickelt.

Denn hett se mi in mien Slaapkist leggt un mi schöön mit de Nachtjack vun den Huusherrn todeckt.


Mien Slaapkist

So sünd wi na'n Dokter föhrt. De hett mien kaputte Stell genau ünnersöcht.

Ik heff denn blots enen lütten Pieks markt un bün glieks inslapen.
Wat dorna passeert is, weet ik nich.


Oooh, mi is so swummerig! Beter noch beten ünner de Jack krupen!

Eerst to Huus wöör ik wedder waak.

De Fru hett mi vörsichtig ut de Kist haalt.


Glieks haalt mien Pleegfru mi rut...

Se hett mi up ehr'n Arm nahmen. Mien Snuut brenn noch 'n beten. So richtig bewegen kunn ik se ok noch nich. De Stell weer noch goot to sehn.


Op'n Arm is doch an schöönsten!

Liekers harr ik groten Hunger. De Fru harr mi wat Besünners trechmaakt. Ik kunn gor nich noog kriegen vun dat lecker Freten.


Rührei mit Wiendruven! Mien leevst Freten!

Dat hett mi goot up de Been bröcht. Ik weer na en poor Daag wedder up'n Damm.

De Stell an mien Snuut weer bald verheelt.


Nee, du kriggst nix af!

Nu tööv ik up dat Fröhjohr. To geern wöör ik weten, wo lang ik noch hier blieven dörf!

Hüüt segg ik eerstmal wedder Tschüüs!

Juuch Murkel


Un hier warrt min Geschicht vörleest:


Lesen deit Antje Heßler in holsteiner Platt.


Fotos un Text: Antje Heßler

Översicht över Murkels Vertelln

30.1.2011


na baven