Moin, Moin,
hier bün ik wedder, Juuch Murkel!
Oooh sooo möööd!
(Klick op to'n Vergröttern!)
Buten weer dat ümmer noch düchtig kolt.
Glieks na Wiehnachten heff ik aver bannig Swien hatt. De Fru vun den
Goorn hett mi in ehr Huus haalt!
Vörsichtig mit en Handdook in de Hand hett se mi hochböört.
Good, dat se en Handdook hett sünst wöör
se sik an mien Stickeln pieken! Un se is doch so nett to mi! Man ik
kann da ja nix bi maken...
(Klick op to'n Vergröttern!)
Binnen in't Huus hett se mi in en Holtkist sett. De weer mit Zeitungspapeer
utleggt.
Dor weer dat schöön mollig warm un dröög. Ik
bün glieks inslapen.
Hier slaap ik al. Ik weer so kaputt Ji köönt
sik dat nich vörstelln!
Aver bald haal de Fru mi ut de Kist. Ik weer noch gor nich richtig
waak. Mit Gummihanschen över de Hannen böör se mi hoch.
Nee! Laat mi! Ik will slapen!
Och neee! Ik bün so mööd! Huch!
Blixlicht!
(Klick op to'n Vergröttern!)
Ut Angst heff ik mi tosamenrullt.
Wat wull nu passeer?
Wat is dat? En Waag?!
Ik keem up en Waag.
Se wull weten, wi swor ik bün.
350 Gramm bröch ik up de Waag.
Se meen, dat weer nich noog!
Glieks haal se Foder ut dat Schapp.
Dat weer Kattenfoder.
Naja, en Katt bün ik ja nich.. ach wat, her damit!
So geern mag ik dat nich, aver ik harr groten Hunger.
Döss harr ik ok.
Up de Eer stünnen al twee Schötteln för mi paraat.
Een för dat Drinken un een för dat Freten.
Mien Eetgeschirr
Na de Mahltiet keem ik wedder in de Holtkist. Dor harr de Huusherr
mi en ole Nachjack vun sik rinleggt. Dat weer schöön muschelig.
Dor kunn ik mi ünner verkrupen.
O wat is de Jacke schöön warm!
Över Nacht hebbt se mi sogoor up de Deel sett. Ik kunn överall
rümlopen.
Se wüssen, dat ik nachts nich slaap.
Toeerst heff ik mi achter en groten Blomenputt verkrapen. Denn heff
ik allens ünnersöcht.
Eerstmal in Deckung gahn!
In de en Eck harrn se sogoor en Klo för mi inricht.
Weer allens fien mit Zeitungspapeer utleggt!
Ik heff mi ümmer Möög geven, dat rechttiedig to finnen.
Wenn ik lesen kunn, kunn ik hier op de Tö prima
Zeitung lesen!
An den neegsten Dag stünn wedder mien Freetschöttel paraat!
Hüüt geev dat aver lecker Freten. Röhrei, sowat heff
ik noch nich hat. Ik kann Juuch seggen, dat hett smeckt. Bi düt
Eten kann ik hier den Winter över blieven!
Ob se markt hebbt, dat mi dat Kattenfoder nich so goot smeckt hett?
Röhrei mit Wiendruven! Denkt nich, dat Ji wat
afkriegt!
(Klick op to'n Vergröttern!)
Wat mi noch allens bi de Lüüd passeert is,
vertell ik Juuch dat neegst Mal!
För hüüt segg ik eerstmal wedder Tschüüs!
Juuch Murkel
|