Mümmelmann, leiw' Osterhås

vun Heidi Rumler

Mümmelmann, leiw' Osterhås, is dat bald sowiet?
Mümmelmann, leiw' Osterhås, langtögsch löppt dei Tiet.
Mümmelmann, leiw' Osterhås, heff dir Johr ein Bitt:
Mümmelmann, leiw' Osterhås, bring dat Frühjohr mit!

Ja, wenn in'n Gorden dei Osterklocken bläuh'n,
dei Wischen warden gräun,
up Ostern wi uns freu'n.
Ja, denn måkt uns dat Säuken so väl Spaß,
Mümmelmann, leiw' Osterhås!

Mümmelmann, leiw' Osterhås, Winter wier so natt.
Mümmelmann, leiw' Osterhås, geföll nich mal uns' Katt.
Mümmelmann, leiw' Osterhås, schenk uns Sünnenschien,
Mümmelmann, leiw' Osterhås, hebben di so giern.

Ja, wenn in'n Gorden dei Osterklocken bläuh'n,
dei Wischen warden gräun,
up Ostern wi uns freu'n.
Ja, denn måkt uns dat Säuken so väl Spaß,
Mümmelmann, leiw' Osterhås!

Mümmelmann, leiw' Osterhås, hest ein Ei för mi?
Mümmelmann, leiw' Osterhås, dorför dank ik di.
Mümmelmann, leiw' Osterhås, in 'n Busch, dor is mien Nest,
Mümmelmann, leiw' Osterhås, büst mi doch dei Best.

Ja, wenn in'n Gorden dei Osterklocken bläuh'n,
dei Wischen warden gräun,
up Ostern wi uns freu'n.
Ja, denn måkt uns dat Säuken so väl Spaß,
Mümmelmann, leiw' Osterhås!