Modder
Sünn ehr Kinner:
De fidele Dörpsmusik
Märken vun Sophie Reinheimer,
överdragen vun Klaus-Dieter Tüxen
In't Dörp trocken 'n poor mächtige Töverer in. Gollen
blenkert seehrs Kledååsch in'n Sünnenschien; se harrn
een'n teemlich groten Mund, un wat se snacken dän, dat weer
nu, dat weer even: Töver!
![](kinner_biller/tuba.jpg)
Ji harrn mål sehn schullt, wodennig de Töver ansleit.
Hmdada, hmdada Täterätä,
täterätä flüilüilü
Dor pack Hans de Greten un se danzen op de gröne Wisch buten;
heidie wat flögen de Zöpp!
![](../kuenst/kuenst_biller/loew_5.gif)
De
Rosenbusch an de Kark leet sik glieks mit "Fru Königin"
ansnacken, de Blomenpött an de Finstern wackelt, as kunnen se
dat gor nich mehr uthool'n op seehrs Plätz.
Tschingbum daderadada kling tää flüilüilü
De
Bessen seggt to de Schüffel: "Wi sünd gor nich Schüffel
un Bessen, sonnern ik bün en Danzmeister un See sünd mien
Fru."
De Gardien, dee in'n Goorn to'n Drögen hung, meen: "Baa,
dat harr ik nich dacht, dat ik mål so'n feine Spitzenschåål
warrn wöör!"
De
Pinsel, dee dat Huus anstrieken dä, möök op eenmål
"Aahja", anstatt as sünst das Huus "ole Rumpelkasten"
to schimpen.
De Wåterdrüppens an'n Brunnen meenern sülverne Parlen
to sien un de grote Ledder, dee an'n Kassbeernboom lehnen dä
un mang de grönen Bläder hendörch denn blauen Himmel
sehn kunn, dee versöch sik to dehnen un to strecken, as wenn
se jümmers noch 'n beten grötter un viellicht sogor en Himmelsledder
warrn kunn.
Kort all'ns weer vertövert. Sogor de Minschenharten danzten
mit, un anstatt Ogen harrn de Minschen mit'nmål blanke Lichten
in'n Kopp.
Nee,
ji köönt ju gor nich denken, wat in't Dörp miteens
för 'n Fröhlichkeit herrschen dä. Jeedereen, dee sik
vörher arm vörkeem, dee düchter sik op eenmål
schöön un riek un vörnehm.
All'ns, wat böös weer, worr goot, all'ns, wat oolt weer,
worr jung. Un all'ns weer vun de rosigsten Drööm ümfungen.
Hmdada, hmdada tsching täterätä,
täterätä flüilüilü bumm
![](../kuenst/kuenst_biller/loew_8.gif) ![](../kuenst/kuenst_biller/loew_11.gif) ![](../kuenst/kuenst_biller/loew_7.gif)
28.6.2024
|