Modder
Sünn ehr Kinner:
De Mistelbusch
Deel 1
Märken vun Sophie Reinheimer,
överdragen vun Klaus-Dieter Tüxen
Op dat Feld buten stünn en wille Appelboom. Man dörf sik
nich wieder doröver wunnern, dat de Appelboom wild weer.
![](../gott/erinn/erinn_biller/wildapp_02.jpg)
![](../gott/erinn/erinn_biller/wildapp_01.jpg)
Hier is en Wildappelboom, de 500 Johr
oolt is!
"Herr Appelboom, See sünd åvers en goot glückte
Keerl! See gåht ja mit Mistelbüsch hauseern anstatt mit
Appeln! Ha, ha ha", lacht de roden Måhnblomen in't
Feld.
"Fein büst du rut, Broder", reep nu ok de Kassbeerboom
vun de Allee röver. "Ik heff all dacht, mien Weertshuus
weer recht goot besett! Åvers so'n Duer-Stammgäst as du
se hest nee dee hett wohrlich nich jeedereen optowiesen.
Ha, ha, ha!"
![](kinner_biller/mistel_1.jpg)
Wenn de Appelboom kunnt harr, so wär he noch willer worrn över
so'n Snackerie. Un so sä he füünsch: "Keen den
Schåden hett, bruukt för den Spott nich to sorgen."
Dat dä de Måhnblomen nu doch leed. "Vertellt Se uns
doch mål, wodennig Se egentlich to de Mistelbüsch kåmen
sünd", beed se.
"Ååch, ji wüllt ja de Geschicht blots noch wiederklatschen
un mi blemeren", sä de Appelboom argerlich.
"Bestimmt nich!", versproken de Måhnblomen, "wi
verspreken sogor, de Geschicht to vergeten. Wi warrt den Slååpmåhn
in'n Goorn üm 'n poor Sååtköörn beden.
See weten ja: Dee hebbt de Töverkraft un bringt Slååp
un Vergeten."
![](kinner_biller/mistel_2.jpg)
Ja, dat wüsst de Appelboom. Åvers hee true den Freden
doch nich recht. Wiel dat he sik åvers as all de Weertslüüd
geern ünnerheel, so fung he doch an to vertellen.
"Mien
ganzet Malöör heff ik de Drosseln to verdanken", fung
he an. "Dee kunn ik för seehrs utverschååmtet
Doon erdrosseln! Kehrt dor eens Dåågs bi mi in, fluustert
mi liesen wat in't Ohr, ik nick un nåher harr ik de Bescherung!
Ik heff woll markt, dat in mien Huus jichenswat nich geheuer weer.
Dat ut mien Vörrååtskåmer 'n Barg gode, nohrhafte
Såken verswunnen un dat ok een achter mien Saftfåten achterher
weer.
Un dor, eens Dåågs, seeg ik miteens 'n poor Wortelbeen.
Ja, nu wüsst ik, wat de Klock slåån harr!"
"Wat hett se denn slåån?", frogen nieschierig
de Måhnblomen, as de Boom 'n Ogenblick sien Vertellen ünnerbrook.
"Matthäi an'n Letzten!", schreeg de Appelboom nu wedder
heel wild. "Mistelgäst weern dat, dee sik bi mi innistet
harrn! De Vågels hebbt se achterrücks bi mi afsett. Un
wokeen Misteln dat Schmarotzertüügs, dat elenne
kennt, dee weet ok, dat een nix to lachen hett. Un wassen deit't
un suugt een ut
!"
![](kinner_biller/mistel_3.jpg)
"Slüten See doch Seehrs Spieskåmer af un verstoppt
Se Seehrs Fåten", slogen de Måhnblomen vör.
"Dat dä mi nix nützen! Unkruut vergeiht nich! De Sellschop
is tååg as Ledder un kümmt ok Måånde
lang ohn' Nährmiddel ut. In mien grotet Huus åvers kann
ik ok nich jümmers all'ns achter Slott un Riegel hool'n."
"So beed Se doch den Harvstwind, dat hee se rutsmitt. Oder
den Winter, dat dee se verfreren lett."
"Dat nütz all'ns nix, Unkruut vergeiht nich!", sä
truerig de Appelboom.
Nu is Truer wat, wat Kinner nich goot un Sünnenkinner noch veel
weniger sehn köönt. Un 'n poor Sünnenstråhlenkinner
harrn de Geschicht
vun den Boom mit anhöört. Se stråkelt nu den trurigen
willen Appelboom, geven em 'n Söten un sä'n: "De Mistelbüsch
seht wohrhaftig ganz smuck ut. Se hebbt so feine gröne Bläder.
Un wat schöön eerst in'n Harvst seehrs Frücht utseht,
as grote Parlen."
![](../gott/erinn/erinn_biller/boomgeist_16.jpg)
Över düssen goot meenten Troost müsst de Appelboom
binåh lachen, sä åvers blots: "Lååt't
man goot sien is all goot!"
Dor besloten de Sünnenstråhlen, ehr Modder to frågen,
wat see nich 'n betern Troost weet. Un all an'n annern Dag kemen se
wedder stråhlend vör Freud andanzt.
"Appelboom, leve, wille Appelboom, Modder hett seggt, du schallst
ganz still sien! Du wüsst gor nich, wat du för vörnehme
Lüüd bi di to wåhnen hest. Hillig sünd dee sogor!
De Ur-Ur-Ur-Ur-Urgrootvadders vun de Minschen hier hebbt se hillig
språken. Un in Engelland warrt se an Wiehnachten evenso verehrt
as bi uns de Dannenboom."
![](kinner_biller/mistel_4.gif)
"In Engelland bi ju dor båven?", froog de
Boom unglöövsch.
"Nee, dat mutt ok hier ünnen op de Eer en Engelland geven.
Åvers uns leve Modder, de Sünn, seggt, du schallst froh
sien, dat du en'n Hilligen beweerten dörvst!"
De Appelboom wüsst gor nich recht, wat he dorvun hool'n schull.
De Fru Sünn seggt doch för gewöhnlich jümmers
de Wohrheit. Åvers düsse Plågegeister vun Gäst:
Hillig? Un Engelland?
"Noch nie wat vun höört!", brummel he.
![](../natur/naturbiller/mistel7.gif)
En Druide mit Misteln
Nu is dat doch snååksch: Höörst du hüüt
en Woort, wat du noch nie höört hest, glieks hüüt
oder morgen oder övermorgen warrst du dat noch eenmål hören.
So güng dat ok den Appelboom. All den annern Nåmiddag keem
een Trupp Wannervågels över't Feld dorher trocken, mit
Gitarren un Mandoline mit Sing un Sang.
"Dor is dat nich en wille Appelboom mit Mistelbüsch
dorop?", reep miteens een vun de Vågelfruuns; see weer
so bunt antrocken as 'n Distelfink.
"Heissassa!", sungen glieks de Vågelmannslüüd
un bleven all ünner den Boom ståhn un bröchen em en
Ständchen:
De Mistelbusch, de Mistelbusch,
is en Schmarotzer blots.
Un liekers, leve Appelboom:
Mååk flietig em den Hoff!
![](../natur/naturbiller/mistel.jpg)
In Engelland, in Engelland,
dor is he bannig dull begehrt;
to Wiehnachtstiet, to Wiehnachtstiet,
warrt ünner em bescheert.
![](../natur/naturbiller/mistel1.gif)
Un wat bescheert de Mistelbusch?
Ei - Söten leev un sööt!
Ik weet't doch, ik weet't doch,
ik weet't ganz gewiss.
![](../natur/naturbiller/mistel5.gif)
Wi sünd twoors nich in Engelland,
doch seht wi't gor nich in,
worüm dörv ünnern Mistelbusch
nich ok 'n Söten sien?
![](../natur/naturbiller/mistel2.gif)
Dorüm, du leve Appelboom:
Verdriev de Mistel nich!
Bedenk, dat männich Engelgrööt
mit ehr vun dannen flüggt!
![](../natur/naturbiller/mistel3.gif)
"Engelgrööt?", dacht de Boom. So, de Söten
is also en Grööt ut dat Engelland!" Un dorbi dacht
de wille Appelboom an de warmen, zorten Söten vun de Sünnenstråhlen.
Dat Leed gefull em, un he nähm sik vör, in Tokunft nich
mehr so schrecklich över sien Mistelgäst to schimpen.
![](kinner_biller/mistel_5.gif)
22.4.2024
|