Ik bün güstern
up de Welt kamen!
In dat Ei weer mi dat eenfach to eng.
Ik wull rut!
Dat weer en swoor Stück Arbeit, in de Schaal en Lock
to picken! Ümmer wedder heff ik mit mien Snavel gegen
de harde Schaal pickt. Endlich harr ik en lütt Lock trecht
kregen. So bün ik ut dat Ei krapen.
Toeerst weern mien lütten Feddern noch
ganz natt. Aver ünner dat warme Fedderkleed vun mien
Mama weer ik gau dröög. Ik bün denn eenfach
ünnerrut krapen.
Dor kreeg ik mit, dat ik gor nich alleen
weer. Neven mi in dat Stroh seten mien Süstern un Bröder.
Wi harrn meist all en geel Kleed an.
Na'n poor Daag sullen wi in en annern Stall
ümtrecken. Up en Pappdeckel töven wi up den Ümtoog.
Neven mi stünn en swatten Broder.
De kunn sik nich benehmen.
Kiek blots mal, wat he dor maakt hett!
Dat heff ik achterna mien Mama vertellt.
De hett blots mit den Kopp schüttelt.