Håseneier
vun Behrend Böckmann
Mien groter Brauder hett mi secht,
Dat dei Hås kein Eier lecht,
Dat hei von unsen Vadder weit,
Dat Mudder sei anmålen deit.
Un liesing hett hei tau mi secht,
Dat dat Hauhn dei Eier lecht,
Un dat ik süll mi sien ganz wiss,
Dei Hås bi uns uns Mudder is.
Denn buugen wi tau't Osterfest
Ut gräun Mosch ein Håsennest,
Un säuken so as alle Johr,
Wenn Mudder röppt: "Dei Hås wier dor!"
|