Wat dait dei Haohn? vun Ludgerd Lüske (Südollnborger Platt) Mia un Hein wullen eis wiesen, wo man best buureien kann. Dei waohnden in use Naoberdörp, un sei wullen Häuhner installen. Dei Achtersinn was: Jeden Dag ein frischk leggtet Ei. Aals har man sülwes, blots dei Häuhner möß man noch koopen.
Et löp as plaont. Nao eine wisse Tied frög man einen Buur in dei Naoberschkup, off man dei Häuhner nich sülwes tüchten kunn. "Jao, dat gaiht", sä dei Buur. "Man mutt teuwen bit ein Hauhn klucken dait. Denn legg man dor noch ein poor Eier mehr unner un dei Kluckschke brött dei mit ut. Wenn man nich solange dorup teuwen will, kann man dei Eier uck in eine Breumaschine utbreuen laoten".
"Doran ligg dat wiss nich", sä Hein, "wi häbbt doch gorkienen Haohn!"
Welkeen kann Hein nu seggen, wo dei Fähler liggt? Wat dait denn dei Haohn? |
2.10.2023 |