Egentlich wull Emma, de Aantenmama, ja noch n'beten slapen.
Aver siet ehr Kinner ut de Eier krapen weern, müss se fröher upstahn.

 

Se stupps ehr lütten Kinner an un reep luut.
"Waak, waak, waak,
de Sünn schient al!
Upstahn!
Wi wüllt nu alltohoop
to Water gahn!"

De Lütten blinzeln in de Sünn. So recht wull'n se noch nich.
Aver denn reck un streck sik een na'n annern.

Welk harrn noch gor keen Lust.
Dat help aver nix, Modder weer an't Drängeln.

Mama Aant schickt ehr Kinner ruckzuck to Water!

Endlich harr se meist all in't Water.
Blots een lütt Küken wull noch nich so recht!

Nu möök Modder ehr Kinner vör, wi se sik waschen sulln.
Dorbi sprütt se so dull mit dat Water,
dat de Lütten Bang harrn un an Land güngen.

"Hu, da warrst ja natt bi!"

Wedder an't Över putz Emma noch ehr Flünken.

Dat möken de Lütten na.
Se hebbt gau vun ehr Modder lehrt.

"Ach so geiht dat!"

Nu kann't losgahn!

Bi herrlich Weder möök sik de Aantenfamilie up de Reis.
Dat Wader glitzer, se kunnen ehr Spegelbild sehn.
De Lütten harrn ehr'n Spaß doran.

Prima Reiseweder!

Emma harr ehr Kinner heel un sauber to Water bröcht!
Nu kunn se sik vun de Arbeit verhalen!