Harvst-Riemel

Dat Cornus-Blatt
lücht rood un satt.
Sien Stengel sitt ja wohl
nich mehr ganz fast.
Man daför wasst
in't Gras de Poggenstohl.

  Dat Cornusblatt
hangt rood un matt —
an'n Telg höllt dat nich fast.
Man rund un frisch
steiht in de Wisch
de Poggenstohl un wasst.

 

De Spinn, de sett
ehr Spinnennett
vun'n Poggenstohl sin Hoot
in't Gras hendaal.

Un da liggt al
dat Cornus-Blatt, ganz rood.

Riemel: Marlou Lessing
Foto Cornus: Rudi Witzke
Foto Poggenstohl: Anke Nissen

13.11.2011


na baven