Ik bün an'n eenuntwintigsten März
2009 in den Eselpark vun Nessendörp up de Welt kamen un
heet Caspar.
Nu bün ik al över een Johr oolt.
Wat ik allens in dütt Johr beleevt heff, vertell ik juuch
so na un na!
Up dat Bild bün ik dree Daag oolt un dat eerstmal up den
Hoff. Mien Fell weer sneewitt! All Kinner wullen mi strakeln
un müchen mi geern lieden. Ümmer wedder höör
ik: "Guck mal, der niedliche kleine Esel!"
Nevenan up den Hoff weer noch en Zwergesel. De harr aver en
gries Fell. Den müss ik mal goden Dag seggen! Wi kunnen
doch tohoop spelen!
Nu müss ik aver eerstmal na mien Modder.
Ik harr Döss.
Mien Modder hett en ganz swatt Fell!
Üm den Hoff weer en Tuun. Wieder na
buten dörf ik noch nich.
To geern müch ik weten,
wat dat dor noch allens to sehn gifft.
För hüüt segg ik eerstmal Tschüüs! Wi
seht uns bald wedder.