Jesus ried in Jerusalem in. Ikone ut't Kloster Athos. Klick op to'n Vergröttern!Wenn an Palmsünndag 2004...
...Jesus in Düütschland introcken weer

En Kommentaar vun Holger Vogt


Jesus aber fand einen jungen Esel und ritt darauf,
wie geschrieben steht:
"Fürchte dich nicht, du Tochter Zion! Siehe, dein König kommt
und reitet auf einem Eselsfüllen."

Vundag wull he wiss Trabbi fohrn, tofoots gahn orrer op Rad reisen, seeker nich de düütsche Bahn na Lübeck nehmen! He wull een vun siene iersten Wege na St. Marien stüern, de Karktorm antokieken und de Bronzeklumpatsch vun de daalslaan Klocken as Mahnung gegen Krieg und Terror in düsse Welt predigen!

Avers — he harr wiss gorkeen Tied nich, Lübeck to besöken, brennt ja ennerwegens op uns Ierd.

WiWi schüllt uns Probleme mit de Karkenstüer denn ja woll dörch een professionellen Fundraiser, dat is een, de op Betteln studeert hett, op de Reeg kregen... Duert nich lang, und de Paster wohnt in de Kark, wieldat wi de Pfarrhüüs nich mehr betahlen köönt.

Dat ward allens bannig eng tokünftig.

De Preesters in Litauen, Lettland etc., de predigt wiss billiger as unse; denn schall uns Gemeinde woll beder mit RyanAir to een utländsche Paster to'n Gottesdeenst jetten, as hier anständige Gemeindearbeit to plegen.

de annernUns Staat hett wohl noch nich mitkregen, dat wi de sozialen Leistungen, wat de Kark op de Reeg kriegen deit för een "Dankeschön", nümmers finanzeert kriggt ut uns Stüerkassen!

Und dat wüllt Sozis ween!? Wi harrn uns Gewerkschaften exporteern schullt, statt dat wi uns Arbeit exporteern!

De Schrankwand ut Slowenien, de wi vundag billig bi Ikea köfft, de schalln wi later düer ut uns Arbeitslosenkass betahln; bloots wi hebbt denn keen Inkamen mehr, dat dorför langen deit...

HeNich alle Lüüd hebbt Aktien, de en Salto na baben maakt, wenn Arbeitskräfte "friesett" warrn.

Ja, seker, wi hebbt noch een segent Tied, as uns dat wünscht ward. Wi dröfft räsoneern und schimpen, und wi dröfft sülmst aktiv warrn gegen all düssen Tüünkraam, de uns ümgeven deit.


Holger Vogt

6.4.2004


na baven