Dunnern Tornadomotoren,
hulen Raketen, krachen Autobomben, schrien Fruuns un Kinner, hulen
Siren. Dat's de Musik, Vadder Gott to höhnen! Dusende
vun Johren geiht dat up de Eerd nich anners to. Gewalt regeert de
Welt un Hatt un Mörderlust. Dat's de Oort un Wies, Gott to höhnen.
Explosion, © Wikimedia Commons, Jon Sullivan
"Ik
aver segg Juuch!" De Wöör vun'n Mann an'n Kinnereth:
"Ik aver segg Juuch!" "Glöven, Höpen, und de
gröttst, de Leev!" "Ik aver segg Juuch",
dat sää he de Mächtgen in't Gesicht! |
"Unnergahn ward de Stadt, Nettel ward wassen
in de Ruinen." Un pienigt Volk tröök
mit em dörch dat Land, wo Bloot un Füür de Spuren vun
Besatter teikent. Un he sää: "Ik
aver segg Juuch!" Un snackte vun Gott, den Vadder, de Tranen
weent över so mißraden Kreaturen. "Ik
aver segg Juuch!" Un vun sien Krüüz un Hohn lachen
Minschen spröök he. Se hebbt dat daan Doch uns Herr stünn
up. Un dat is Oostern!
|