vun Pastor Alexander Rolfes To'n Anhören hier klicken:
Van Herrn Wohllieb hebb ik disse Wäken all wat mehr vertellt. Hei wull van Gott wäten, wat hei mit denn Rest van sien Läven anfangen schull. Man Gott schweeg un dei Grund dorför kunnde ja man bloß wän, dat Gott över üm noadachte ... un dat duurde...
Jao, dat kann manges wat duurn, bit mi dei heile Sinn van einen Geschenk
kloar wett, dat kann uck wat dürrn, bit ick ein Teiken off eine
Antwort kriegen dau aover wenn ick weit, dat dor einer an mi
denken deit, dann kaom ik uk gaud dör de Tied, wor Schwiegen
is. Bruuk dann villeicht gor kien Teiken mehr! Un mehr noch, ick nähm
mi sülwest ganz anners woahr, hebb Respekt för mi. Dat lätt
mi upmarken un väle Saoken mit 'n anner Ooge seihn. Mit Bernd
Wohllieb in dei Geschichte passeiert uck wat: Dat lätt einen upsrisken. Un ick glööv, dat to begriepen, dat käönt wi aale jüss in disse Tied in 't Joahr gaud bruuken. |
Översicht över de Reeg "Dat kannst mi glööven!" is eine plattdütschke Andachtriege in't Radio (NDR), dei siet den 1. Advent 1953 staodig in't Programm staiht. Tau Tied schriewet hierför rund 75 evangelschke un katholschke Theologen staodig Andachten up unnerscheidlicket Nedderdütschet un Oostfäölschket Platt. Sendet werd maondaogs bit freidaogs üm 14.20 Uhr van NDR 1 Neddersassen. Bi us up plattpartu.de finnt man nu utsöchte Bidräge van disse Radiosendung. 12.2.2017 |