Dat
kannst mi glööven!
Eine Fraoge an den Allmächtigen
vun Pastor
Alexander Rolfes
To'n Anhören hier klicken:
Lesen deit Alexander Rolfes.
In de Geschichte "Herr Wohllieb töv up ein Teiken"
van Susanne Niemeyer stellt sück Herr Wohllieb eines Doages dei
Froage, wat hei mit denn Rest van sien Läven anfangen schall.
De Fraoge geiht üm nich weer ut 'n Kopp:![](gott_biller/senioren_02.gif)
Un hei wunnert sück, denn anners is he kien Frönd van
langet Sinnieren. Hei hüllt sik ehrder för einen Kerl
mit beide Fäute fast up den Bodden. Sien einzige Splien was
woll, dat aaltied an 'n Sönndags ein weicket Ei mit Appelsienenmarmeloade
up 'n Disk to staohn har. Över dat Läven un so, dor harr
hei sück noch kiene Gedanken över moaket. Man nu harr
hei sück dat mit dei Froage gaut överleggt un he wull
sück an den Allmächtigen wennen. Was nich jüst so,
dat se bit nuhen väle mitnanner to daun hat harn, over hei
glöövde, dat dei Herrgott woll dei richtige Adresse för
disse Saoke was. Un so füngk hei uk glieks an: "Herr Gott"
schreev hei streek sik över 't Hoar, mök
sienen krummen Puckel liek, den dat was ja nu ein heller wichtigen
Moment: "Wat schall ick mit mien Läven anfangen? Wäs
so gaud un giff mi ein Teiken. Besten Dank uk." Hei verhüllt
sück noch einen Oogenschlag un schlöt mit: "Dien
Bernd."
Un dann töffte Herr Wohllieb. Aover dor köm nicks as
Schwiegen. "Wo kann dat? Worümme duurt dat so lange?",
nuschelde hei. "Kann doch nich so schwor wäsen."
"Off hei miene Noaricht nich krägen heff?", frög
hei sück. "Kunn ja wän, dat hei masse tau daun heff."
Ein
Teiken, eine Antwort dat wüdd väles lichter moaken
in 't Läven... Mangers mott ick dann an miene Schaultied denken:
Foaken feuhlde ick mi so, at mösste ick so lange wat seggen,
bit dei richtige Antwort för den Schaulmeester funnen was...
Un mi geiht dat foaken vandoage nich väl anners: Ick will eine
ganz bestimmte Antwort up eine Froage kriegen! Man so laote ik anner
Antworten meist nich to. Is bi Herrn Wohllieb woll uk so: Man schwigg
Gott wücklick? Kriege ick wücklick kien Teiken? Off hör
un kiek ik villeicht bloß nich richtig hen?
Gaud, dat Herr Wohllieb nich drocke taugäwen deit bi sien Teuwen
up de richtige Antwort. Man wo dat mit üm wiedergeiht?
Dorvan morgen mehr.
|