Passion 2023
Reminiszere

vun Gertrud Everding



Herr, denk an dien Groothardigkeit, an dien Erbarmen mit uns.

Psalm 25,6

Nu hefft wi allens meist toschannen makt mit unsen Hoochmoot. Meist is dat noch grieser, as dat vörigte Week al weer. So plietsch, as wi meent harrn, sünd wi nich.

"Wo lang schall dat noch duern, Gott? Warrst du endlich op uns höörn?" Jo, warrt wi woll endlich ok lehrn, wat Gott von uns will? De Weg to uns Vadder in Heben, de is gor nich wiet. Jesus hett uns dat meist noog wiest. Uns Gott töövt jo bloots op, dat wi em fraagt un von Harten to em beedt.

Wi behannelt em aver as'n ollen wunnerlichen Keerl, de nich mehr ‚op de Reeg' is. Kiek di doch üm in'e Welt, keen fraagt woll noch na Gott?

Mien Broder hungert, mien Süster freert!
Ach Gott, mien Vadder, höör mi to.
Is Krieg, is Moord op düsse Eer!
Mien Broder röppt na di, mien Süster schreet!
Hölp doch! Ik weet, bloots du kannst uns noch hölpen.



5.3.2023


na baven