Passion 2021:
Oculi

'keen de Hand an'n Ploog leggt un dorbi trüchkiekt,
de döcht nich för Gotts Riek.

Lukas 9,62

Klick op to'n Vergröttern!

Dat Ole trüchlaten, ahn letzten Blick?
Wat mien Leven weer, so lang?
Wat ik leevt heff un leven do?
Eenfach verlaten? Koolthartig?
Is dat Jesus, de dat vun mi verlangt?!

Gotts Riek meent allens, wat ik leev.
Dat allens hett sien Heimat in Gotts Riek.
Dor warr ik allens wedderfinnen —
erlööst, frie maakt, wördigt.
Nich hier, 'neem ik weggah,
sünnern dor
warr ik endlich
tohuus ankamen.