Jesus ritt dör Jerusalem. Bild-Idee: Ludgerd Lüske, Microsoft. Klick = Vergröttern

Dei Naome van den Palmsönntag (Palmarum) kummp van den Bruuk, dat man den Käönig off Feldherr bi sien Intrecken in dei Stadt mit Palmenteuger fraidig begreuten dö. Mit dissen Bruuk dö man uck Jesus begreuten bi sien Ankaomen in Jesusalem. Aower man räkde mit einen annern Käönig, nich mit den, dei läöter an't Krüz hüng. Wat läöter wullen aale nicks mehr mit mit üm tau daun häbben, dat güng siene Jüngers uck so. Bi dissen Gedanken fraogt wi us sülwes: Dau wi dissen Käönig so fraidig begreuten? Gaiht hei us uck nicks mehr an, wenn dei Luune leiper werd? Häbbt wi nicks mehr för üm äöwer? Sünd wi bäter at siene Jünger?

"O kaom du nu van'n neien nao us, dei orig lieen daut. O laot dien Lecht up dei Ern winnen, dei Macht in'n Düstern ünnergaohn, un maok den glemmen Twiewel ut. So käönt wi, un dei Üppsten, tausaome at Bräuers un Süsters waohnen in dat Huus van dienen groten Vaoder." (nao F. Rückert)

Pueri Hebraeorum,
tollentes ramos olivarum,
obviaverunt Domino,
clamantes et dicentes:
Hosanna in excelsis.
Psalm 23 (2 7-10)

Dei Kinner van dei Hebräer
nöhmen Ölteuger in ehre Hände,
sei güngen Jesus taumeute,
sei röpen un säen:
Hosianna in dei Höchte!

Antiphon: Pueri Hebraeorum,
tollentes portantes ramos olivarum
Bild-Daoten: Gregorianik-Uni-Regensburg, ännert
Luuster hier: Youtube