Dat Graff is los. Bild-Idee: Ludgerd Lüske, Microsoft. Klick = Vergröttern

Ostersönndag hätt eine besünnere Ruhe, nich dei Truuer van den Karfreidag, eine Ruhe, dei Luft haolt. Eine Ruhe, dei sick hentreckt at einen lechten Striepen an dei Kimmen. Dei Welt is einen Ogenblick lang stille, at wüss sei: Vandaoge kummp dat Neie. Man markt dat nich forts, dat Wedderupstaohn kummp liese, in einen Lechtsraohl, dei dör dat Fenster schinnt. Forts is ein Haopen dor. Ostern vertellt, dat süss dat, wo man nicks mehr an maoken kann, doch kien End is. Dat Läben finnt wedder sienen Weg. Düsternis verschwinnt nich, werd aower ümwannelt in ein Haopen. Dat is kien Gefeuhl, dat is ein Bewegen, mangers nich sichtbor, aower man kann et nich uphollen.

So singt wi fraidig den Loffgesang tau Ostern in dei heile Welt. Wäst fröhlick, aale Christen, hier off wiet weg! Dei Fraide wiest, wo daone du för us dor büs.

Surrexit Dominus vere, alleluia,
et apparuit Simoni.
(Lk 24, 6a+34a)

Dei Herr stünd wohrhaft up, Halleluja,
un hätt sick bi Simon wiest.

Antiphon: Surrexit Dominus vere, alleluia
Bild-Daten: Antiphonale Synopticum
Luuster hier: Youtube