Fiern bi Corona vun Martin Ripp Dat weer Anfang Januor 2021. Ella harr de Kaffeemaschien anmokt un keek dörch dat Kökenfinster in den Vörgaarn. Glieks möten de Kinner kamen. Se dörfen ja bloots to drütt op Besöök gahn. Een mutt to Huus blieven. Dor harrn se verleden Johr Glück hat! Tachentig weer en Grund, utladen to fiern. Ella harr in't "Zollenspieker Fährhuus" en Ruum för tweeundöttig Gäst reserveren laten. Dat güng nu nich mehr! Up
Tied weer de Wagen ünnert Carport fohrn. Se güngen de Trepp
hooch un blieven vör de Döör stahn. Ella reep: Hermann,
maak de Döör op, de Kinner sünd dor! Swiegerdochter Melanie hett lacht un fröög:
Ella, woans finnst du uns Schnutenpullis? Paul is söventeihn un intwüschen en half Kopp
grötter as sien Moder. Julia weer groot vör twölf un
harr ehrn twee Johr ölleren Broder Daniel binah inhaalt. Bevör se an den Kaffeedisch gungen, haal Melanie de Blomen för Ella ut'n Kufferruum. Julia lachde und see: Oma, dat weer de lest Struuß von de Tanke. Nich schöön, aver besünners! De Blomenladens sünd ja ok in Lockdown! Melanie see: Sebastian harr sik al afmeld in sien
Firma, dor keem de Opdrag, dat Klock veer en wichtige Videokonferenz
is. Dorüm is Paul mitkamen.
Ella sä: Ja, dat is schaad, aver Opa un ik
freuen uns ok, dat uns öllst Enkel dor is! Ji maakt doch
all Homeoffice, hebbt ji ok solk Konferenzen? Melanie
froog ehrn Swiegervader: Weerst du trurig as Kind, glieks na
de Fierdaag Geburtsdag to hebben? Hermann harr twee Stück Koken eten un nehm dat Blatt ut't Kumveert. Een Teken vun Julia: Lokaal mit Sömmergoorn. Dorünner harr se schreven: Eten-Goodschien Hermann dankde un sä: Ik heff Langewiel.
Sport mit mien Kumpels is nich mehr möglich. Vörher güngen
Oma un ik eenmal inne Week to'n Swemmen. Kegeln mit mien anner Kameraden 8.10.2021
|