vun Heinz Tiekötter Ok so'n Keerls as Hein Tiemann köönt Tähnpien
mürr moken. Mit en Figur as'n Groffsmitt un Hannen as Klosettdeckels
gifft dat egentlich nix, wat em umhaun kann. Bit op Tähnpien.
Dor hett he 'n bannigen Kötel in de Büx. Wat hett he nich
allens versöcht, dat he nich op den Stohl bi Peter Püst
mutt! Peter Püst weer 'n Skootfründ vun Hein un de Wittkittel
in uns Dörp. Hein harr Angst vör Peter. He rief sik dat
Tähnfleesch mit Myrrhe in, kau op Nelken un nuckel an Petersillstengels.
Dat Angenehmste weer dat An Middeweken kunn Hein dat nichmehr uthollen, pingel nu as Nootfall bi Peter Püst an un seet 'n halbe Stünn loter all op den "Tiroler för Lüüd, de nich bieten köönt." Hein weer bleek un harr Sweetperlen op de Stirn un'n veel to hogen Blootdruck. "So mach ik di nich behanneln", sä Peter Püst, "du muss erstmol dienen Blootdruck in'n Griff kriegen. Loot di vun een Kardiologen ünnerseuken, ansünsten kippst du mi noch in miene Praxis üm or nippelst hier sogor af. Un dat mookt 'n slechten Indruck. Mann, Hein, wat bist du doch för'n Bangbüx!" Hein kreeg Pillen gegen siene Wehdoog un versöök 'n Termin bi de Kardiologen to kriegen. Wenn he mark, sien Wehdoog keem trüch, nehm he Myrrhe, Kööm un de Pillen. Tweemol hett he sik nee Pillen ut de Aphtek hoolt. Un denn kreeg he för Meddeweken Klock acht 'n Termin bi'n Kardiologen. Hein weer pünktlich dor. De Beseuk bien Tähndokter leeg nu all ene Woch trüch. De Kardiologe hett Hein sien Blootdruck meten; de weer normool. He
mook bi Hein 'n EKG, nehm em Bloot af, glitsch mit 'n Scanner öber
siene Bost un an de Halsodern lang, keek dorbi in so'n Fernseher un
kunn nix faststellen. Nu bestell he Hein nochmool för Dingsdag
in de neegste Week un dor kreeg Hein 'n Langtiet-EKG un Blootdruckmessgerät
verpasst. 24 Stünn leep Hein dormit rüm, un an Meddeweken
hett de Dokter dat utleest. Weer nix to finnen! De Blootdruck weer
normool un nich opfällig. Hein müss nu op so'n Fohrrad,
dat keen Rööd harr, ansünsten weer he jo dörch
de Wand fohrt. "Belastungs-EKG!" He hett sik afstrampelt,
bit em de Puust De Beseuk bien Tähndokter leeg nu all vertein Doog
trüch, un Hein müss nodinken, wodörch he öberhaupt
op dat Thema komen is. As he vun sien Tähnpien un sien Bang vertell,
weer den Kardiologen allns kloor. Vör em seet een groten Angsthosen,
bi dem dat Hart an to kloppen fangt, wenn he bi'n Tähndokter
Sprütt un Bohrer wies warrt. Op de Froog, wat Wenn du hüüt mit Hein öber Tähnpien snackst, empfehlt he di ernsthaft 'n Beseuk bi'n Kardiologen. Dorhen to gohn is dat Beste, meent he un dat deiht ok nich so weh! 28.8.2016
|