De Tiet, se ielt, flüggt rasch dorhen.
Du längst, du streevst, kennst keen Besinn,
du sööchst na't Glück, un miteens wiest
en Spegel, dat dien Haar ward gries,
![](../erinn/erinn_biller/speegel_4.gif)
un musst di still denn ingestohn:
De Jugendtiet is nu vergohn,
so jammer nich, griep frisch in't Leit,
un denk doran, soveel as geiht:
![](oolt_biller/roos_kl.jpg)
Jedeen Öller blöht de Rosen,
jedeen Öller blöht en Glück,
is sinnlos, gegen Wind to blasen,
denn wat vergohn, kummt nich torügg.
![](oolt_biller/roos_kl.gif)
Un wedder na en Reeg vun Johrn,
dien Knaken sünd wat stiever worrn,
kicks du in'n Weeg, un dorin liggt
dien Enkelkind, dat blarrt un schriggt,
![](oolt_biller/oma_opa.gif)
un du steihst wat belämmert dor,
dat to begriepen fallt di swoor,
klaagst fraagwies wat den Tietloop an,
doch hölpt dat nix, un denk doran:
![](oolt_biller/roos_kl.jpg)
Jedeen Öller blöht de Rosen,
jedeen Öller blöht en Glück,
is sinnlos, gegen Wind to blasen,
denn wat vergohn, kummt nich torügg.
![](oolt_biller/roos_kl.gif)
Un kummt de Dag, de Heven lenkt,
an den se di en Krückstock schenkt,
denn truer nich, dat du nu old,
nee, griep vergnöögt den Stock ut Holt,
![](oolt_biller/opa_enkel2.jpg)
un nimm dien Enkel bi de Hand,
goh mit em sachts en Feldweg lang,
wies em de Welt an Busch un Knick,
un dank den Herrn för'n Oogenblick:
![](oolt_biller/roos_kl.jpg)
Jedeen Öller blöht de Rosen,
jedeen Öller blöht en Glück,
is sinnlos, gegen Wind to blasen,
denn wat vergohn, kummt nich torügg.
![](oolt_biller/roos_kl.gif)
|