Party inne Dönsk:
Dei Rükel-Party

vun Behrend Böckmann

Wenn't üm gaude Rükels geiht,
up dei männig Minsch so steiht,
kümmt dei Rükel-Party recht,
dat sik dei Rükel-Jieper lecht.

Drei Druppen Chanel Nummer fief
harr dei Loren bi Nacht an'n Lief,
un von noch väl anner Geschichten
ward man inne Runn berichten.

Deit Schnuppern, Klœhnen un ahn Bangen
düchtig inne Kniep denn langen,
doch von Chanel möten's nich sien,
ok anner Rükels rüken fien.

'n Männetscher Flakongs vörstellt
mit Rükels ut dei ganze Welt:
ut Paris, London un Wien —
wat rükt dat inne Dönsk all fien!

Jedein möt nu doran denken,
weckern mücht man wull wat schenken,
denn för son'n Rükel-Party gellt,
dat an'n Enn' ward wat bestellt.

Amüsgöll* harr Alina måkt,
ok gauden Kaffe dortau kåkt,
un kreech as Dank gliek up dei Stell
von Lancôme "La Vie Est Belle"!

* l'amuse-gueule (masc), frz.
= Appetitshappen, Gaumenfreude