Online-Leevde
vun Cord Denker
Melodie: Dat du mien Leevsten büst
![](oolt_biller/online_1.jpg)
Nu in't Corona-Johr
(koold geiht de Wind):
Afstandsgeboot,
Angst hett uns faat,
dat Viren sünd.
Mund-, Nääs- un Hannenschutz,
misslich de Tied:
Hool di de App,
söök mi in't Web,
schick mi een Tweet!
![](oolt_biller/online_2.gif)
Ik maak een Selfie för di,
laad di dat dal!
Denk du an mi,
ik denk an di
heel digital.
Instagram wiest mi dien Bild,
sleiht mi in'n Bann:
Is alltied nett,
mit di de chat:
Wees du mien Mann!
Snack nich vun Hochtieds-Fest;
Karken sünd dicht.
Online alleen
köönt wi uns sehn
in't Bildschirm-Licht.
Mal kümmt de grote Dag,
frie vun de Süük.
Denn is dat kloor,
wi sünd een Poor,
denn speelt Musik.
![](oolt_biller/wulkenhart.jpg)
17.5.2020
|