De 7 besten Medekamenten

vun Katja Renfert

In mien Maand-Kalenner vun Johanna Paungger un Thomas Poppe staht för hüüt, den 23. Januoor 2022, de 7 besten Medekamenten:

1. Sünnschien — de heff ik hüüt noch nich bi't Spazeren drapen, aver
2. Water! — Jo, ik bün geern an't Water, op'n Water, mit 'n Damper, ik drink Water, un ik leev dat as Water-Musik op mien Regenschirm.

De Alster, dat Water leven — is ja wohl Sülvstverstand för'n Hamborgerin!

3. Binnere Roh — dat strahlt mien "Stoikus" ut, de bi mi in de Slaapstuuv steiht. He is ut Specksteen, mien Frünnin Ines Collins hett em maakt.

De "Stoikus". — Slaap höört ok to de binnere Roh
un is en wichtig Natuurmedezin!

4. Frische Luft un 5. Bewegen.
Dat heff ik jeden Dag, wenn ik spazeren gah.

6. Obst un Gröönwoor — logo, ik bün siet över 30 Johren Vegetorierin.
7. Freid. — Dor kiek ik jeden Dag, wat dat ween kann.
To'n Biespeel, wenn Herr un Fru Amsel op mien Balkon kümmt un sik sattfreten doot.

Fru Amsel un de Poggenkönig

Wer düsse 7 besten Medekamenten opschreven hett, is nich bekannt. Un för mi is noch wichtig:

8. Musik — ik maak sülms Musik mit mien Keyboard, Blockfleit, Snutenörgel un noch poor annere,
9. Literatur — kloor, ik lees veel un schriev uk sülms - hochdüütsch un plattdüütsch, siet mehr as 40 Johren, un
10. sünd mi soziale Kontakte wichtig. De heff ik, nu bi Corona, buten un mit Afstand.

Lesen Fru, Plastik vun K.-H. Goedtke

Mit düsse Medekamenten bruuk ik nich to'n Dokter or in'e Apteek un wünsch mi, dat ik dormit lang gesund bliev.