vun Antje Heßler Se köönt de Fotos per
Klick vergröttern. Trüch kaamt Se denn mit den Zurück-Knoop
op de Browser-Symboolliest.
Dörchfroren kemen ik, mien Fründinnen un de lütte Elisabeth na den Besöök bi de Schaap in en lütt Lokal. Dörch de apen Döör slog uns al warme Luft in de Mööt. In de een Eck legen luder bunte Kissen up de Bank. Dor hebbt wi uns daal sett!
Up den Disch stünn en Spieskort. Mit grote Bookstaven priesen se en Töller Currysupp an.
Se weer in de Eck vun dat Lokal en Poppenherd un Poppengeschirr wies worrn! En roden Disch mit lütte witte Stöhl ümrüm weer ok dor. Up den Disch leeg en rotkareerte Deek un in de Meern stünn en Bloomputt mit gele Narzissen. Hier weer allens leeftallig för lütte Gäst inricht!
Wi harrn uns Freud bi't Tokieken. Ümmer wedder keem se ok mal an unsern Disch un vertell uns, wat se nu maak. Up den enen lütten Stohl sett se den Stoffhund, up den annern keem dat Swien. All sullen wat affkriegen.
Wi leten uns de leckere Supp goot smecken. De weer noch meist n' beten to hitt. Wi müssen bi den eersten Löpel düchtig puussen. Sünst harrn wi uns den Mund verbrennt. För Elisabeth müss natüürlich Modder oppassen aver puussen kunn de Lütte al alleen. So goot harrn wi lang nich mehr to Meddag eten! Satt, wedder warm un tofreden möken wi uns up den Nahuusweg. |
24.4.2016 |