vun Martin Hüttenbernd To'n Anhören hier klicken:
Bernd was in'n lesten Scheoljohr, un wenn heu Ferien hadde, hulp heu jümmer suin'n Pappen buier Arbeut. Vandage hadde heu Bernd früch gieben, un seo lag heu uppen Biuke in'n Gräs achtern Hiuse met'n dicken Karl-May-Beok un was in euner ganß annern Welt. Up eunmol hor heu achter seck 'ne fuine Stemme: "Bernd, wutt
diu'n Suckerstiuten?" Butz dreihe Bernd seck ümme. Heu was
just in euner grauten Indianerschlacht wesen un make eun wonet Gesichte.
Do stond Klärchen wedder, suine Metschoilerin. Heu mochte seu
gern luien, woll öbber nich, dat se jümmer kamm! De annern
Jungens togen änne oll met Klärchen up, os wenn dat suine
Briut wör. Öbber os dat Luit änne niu den Suckerkrengel
henheult un dobui seon soitet Gesicht make, do konne heu ehr nich
beuse suin un namm den Stuiten 'gnädig' an. Heu sette seck uppe
Eern un att, Klärchen stond do un toffte, bet heu färg was.
Un denn froge heu os'n Pascha: "No, Klärchen, wat häste
vandage wedder up'n Härten?" Un denn see et luise: "Och
Klärchen keik vör seck hen, et see luise: "Bernd,
weuste, wat Räkers Gustav iuse Paula int Konfamatschonsalbum
schrieben hät?" "Nei, dat weut eck nich."
"Eunen Spruch: 'Rosen und Nelken blühn und verwelken,
aber wie das Immergrün soll auch unsre Freundschaft blühn'.
Ess dat nich schön?" Bernd make eun minächtiget
Gesicht un see: "Dat ess Tünkram! Dat schruiw mol in duin
Upsatzheft, denn werste diu wunnern, wat de Lehrer doteo sägt!"
"Worümme denn?", froge Klärchen, "wat
schriwst diu denn naichstet Johr in muin Album?" "Mol
seuhn, villichte döt: "Lebe glücklich, lebe froh, wie
der König Salomo, der auf seinem Trone saß und 'ne lippsche
Mettwurst aß!" "Och Bernd, dat ess öbber
garnich schön van dui." De Trainen keumen ühr hauch,
"wat Betteres weust diu wal nich, wat?" Do ärger
seck Bernd öber seck sümst, heu wolle doch nich, dat siun
Klärchen gruine, "Jo, öbbe Suin Scheolfründ Wilm keik nämlick achtern üm de Hiusecke. De soll'n hür nich met Klärchen stohn seuhn. Doch Klärchen wolle ührn Bernd nau nich lausloten un see: "Et hätt juste örst man fuiwe upper Kerkeniuer schlohn." "Seo?" see Bernd, "kannst diu dat horn? Dann gifft et baule Regen, un eck mott olle Finsters schliuten, süß kruige eck Schellers!" "Och Bernd, biste mui niu beuse?" Klärchen stond 'n bitken bedroiwet do, un dat diwwer Bernd denn doch. Heu hadde suin Klärchen doch gern. Heu lache un reup: "Och wat, Klärchen, wat seck leuf hätt, dat tient seck auk ollhanten. Morn kümst diu wedder und denn kriegste eun seutet Küßken up duin'n seuten Schnüß! Tschüß denn!" |
18.10.2009 |