vun Katja Renfert Se köönt de Fotos per Klick vergröttern.
Trüch kaamt Se denn mit den Zurück-Knoop op de Browser-Symboolliest.
Corona Corona Corona ik kann dat nich mehr hören. Siet Fröhjohr 2020 geiht dat nu al so. Un denn is mi bi't Disch afarbeiden de Text vun Christian Morgenstern (1871 1914) in de Hannen fullen. He hett seggt: Wi bruukt nich so wiederleven, Dusend? Dat is wohrhaftig 'n Barg! Villicht schull ik mi mol wedder to den Philantropen in Pinneberg setten un mit em schnacken. De Künstlersch Inka Uzoma (1947 2016) hett em ut Bronze maakt; de Vördeel is, he kann mi nich wedderspreken. Aver he kann mi uk keen Raat geven, wat dat för dusend Mööglichkeiten sünd. Ik kann mi aver still daalsetten un överleggen, wat ik, uk mit al de Saken, de wegen Corona nich tolaten sünd, maken kunn. Mien Modder hett fröher oftins seggt: Dat löppt sik allens torecht!, tööv mol af, mien Deern. Leve Modder, uk wenn du al lang dot büst, ik dank di, dat du mi Toversicht giffst. Un ik weet: jo, uk düsse swore Tiet geiht vörbi.
All Fotos: Katja Renfert
Mehr vun de Verfatersch hier 30.1.2022
|