Sönndaoge in dei Passion
Sönndag Okuli

Okuli — Miene Oogen kiekt nao'n Herrgott

Miene Oogen kiekt alltied nao'n Herrgott; hei werd mienen Faut ut dat Nett trecken.

Dat Ooge in'n Kosmos. Bild: Ludgerd Lüske mit NASA-Bild

Well respekteiert den Herrgott? Hei wiest üm den besten Weg. Hei werd gaut waohnen, un siene Kinner häbbt dat Land. Dat Geheimnis van Gott is dor, wor sei Respekt vör üm häbbt, mit ehr maokt hei sienen Verdrag. In mien Harte bün ick orig bange. Help mi ut miene Not! Süh an mienen Jammer un mien Elend un vergäw mi aale miene Sünnen. Wohr miene Säle un redde mi. Laot mi nich verkaomen, ick räke mit di.