Juden un Christen
to Johannes 3,1-21

vun Cord Denker

Melodie: Tut mir auf die schöne Pforte (EG 166)

Laat uns snacken, laat uns strieden,
wat de Wohrheit uns bedüüd!
Kruus un düüster sünd de Tieden:
Wohrheit maakt de Harten wied,
stellt das Leven in dat Licht,
schafft Verstand op lange Sicht.

Nikodemus deit sik plagen,
kümmt to Jesus in de Nacht,
un sien Seel is vull vun Klagen...
He meent, Jesus hett de Macht,
de de Welt ut Gott verkloort
un vör Afgrunds-Macht bewohrt.

Doch ok Jesus, he hett Fragen:
Wo löppt düsse Welt op to?
Unrecht steiht em vör de Ogen,
un sien Hart findt nich de Roh,
dat he letzte Wohrheit kündt;
un de Minschen glöövt em blind.

Nah den Hass, tweedusend Johren,
sitt de beiden nu tohoop.
Un wi annern spitzt de Ohren:
Wöör nehmt nu een anner Loop:
So as Bröder snacken doot,
mit Respekt — jo, dat deit good!


15.8.2020


na baven