© Wikimedia Commons, Foto: D.Fritts

To't Nie Johr

vun Hein Klüssendörp

To Wiehnacht un to 't nie Johr
Dor warrn wi all dat woll gewohr,
dat unse Welt sik nich blot dreiht, —
man Storm un Unbill üm uns weiht,
un eh wi uns dat recht besehn,
is all'ns nich mehr so wunnerschöön!
Wat wi ok hörn, wohen wi kieken,
uns' Erdball warrt en Dullhuus glieken!

© Pixelio, Fotograf: rebel

Besinn Di, Minsch, laat 't langsam gahn,
bliev doch bedächtig ok mal stahn,
bekiek Di mal dat Firmament
un wat man sünst noch Schönes kennt,
un mark denn, wo dat Hart sik freut,
wenn hier wat schimmert, dor wat gleuht!
Besinnlich maak de Wiehnachtstiet, —
Gott is bi uns — hüüt un alltiet !
Christus wörr för uns doch boren, —
— in 'n Gloven sünd wi nich verloren!

© Wikimedia Commons, Foto: Nasa