Bilanz. Minus- un Pluspünkt

Gespreek op en breides Flach. Vun Manfred Kock


Siet letztes Johr geev dat in uns Land niege antijüüdsche Un-Daaten. Dor gifft dat woll in Düütschland ogenschienlich een nich uttorotten Boddensatt vun Antisemitismus, gegen den opletzt de fast stahn' Gegenreed, ok de konsequent, rechtsstaatlich Kampf, vör allen dat apenbar warrn' Tosamenstahn helpt.
Liekers hett dat — ok in't letzte Johr — in dat Verhollen to dat Judendoom in Düütschland wunnerwarken un indrucksvulles Vörankamen geven. Ik mucht op dree henwiesen:

  • De Inwieh vun dat niege jüüdsche Museum in Berlin, dat vun September 2001 anfüllt is mit Dokmenten vun jüüdsches Leven in Düütschland;
  • Dat veertigjöhrig Bestahn vun de Tosamenarbeit Christen un Juden bi'n Düütschen Evangeelschen Karkendag. Dor wöörn bedüden Gespreeken twüschen Juden un Christen op'n Weg bröcht.
  • Wi höllen dat ierste Maal na den grooten Insnitt dörch de Schoah een Text in Hannen, wo jüüdsche Theologen ut de USA ut ehr Sicht de groote Tahl vun Utsagen vun Karkeninstitutschoonen to dat Thema Christdoom un Judendoom gellen laten un op dat Verklorn mit würden' Wöör ingahn. Dat jüüdsche Dokument, dat den in de Karken aflopen Vörgang kommenteert, heit "Dabru Emet", wat heit "Reed de Wohrheit!". De Text würdigt de veelen christlichen Niebesinnungen un Niefastsettungen as een ut jüüdsche Sichtwies grooten Schridd to't Befreden vun't Tosamensien vun Juden un Christen.

De Tiet, in de Christen mit heel wenig to een Gespreek praate jüüdsche Macker över ehr Verhollen to't Judendoom nadacht hebbn, de Tiet schien to Enn to sien. Dat is een goode Vörutsettung, ok in direkte theoloogsche Gespreeken mit Vertreder vun de Juden in Düütschland to klären' Utsagen to kamen.

Präses Manfred Kock
in't Plattdüütsche bröcht vun Rudi Witzke


20.6.2002


na baven