Wo schandboor dat is, so seggt wi dat:
een vun de Twölf,
een, den Jesus utwählt hett,
hett em ok verraden,
utlevert,
vun nu an an kann dat Schicksaal sien Loop nehmen.
Un wi seiht dorbi nich:
den "Lütten Verraad"
begahn wi elkeen Dag,
elkeen Stunn.

Verraad ik denn nich Jesus,
wenn ik to dat Unrecht in de Welt swieg?
Verraad ik denn nich Jesus,
wenn ik mienen Broder minnacht?
Verraad ik denn nich Jesus,
wenn ik mien Süster beleig?

Jümmer en lütt beten Veraad!
Jümmer sünd wi en lütt beten Judas.