To'n Johrswessel vun Sabine Brauer |
|
Johrswende
36 Stünnen |
Digitalbild: Rudi Witzke |
Foto: Rudi Witzke |
36 Stünnen |
|
|
Uns Vader
Matthäus 6,9-13 Uns Vader in Himmel, dien Naam sall heiligt worden.
Doch wat mookt wi dor mit? Bi jede unpassende Gelegenheit ropen wi: "In Gotts Namen, o Gott, Harri Jasses nee, wat 'n Schiet!", un so wieder. Vader, help uns, dat wi Benüll kriggt un uns kloor word, wat wi dor van uns geven. Dien Riek sall kommen, Reken wi noch mit dien Riek? Willn wi dor overhaupt noch wat van weten? Könnt wi hier all wat dorför maken, dat dien Riek baut word? Lat uns weten, wat wi för di döön können. dien Will sall pesseren as in Himmel, so ok up de Eer. |
|
|
|
Wenn dien un uns Will tosammenpassen, denn freit uns dat. Doch wenn dien Will is, dat wi lieden mutten, denn sücht de Saake al anners ut. Denn fallt uns dat man düchtig stuur, 'n Ja dorto to finnen. Geev uns jeden Daag dat, wat wie to d' Leven nödig hebben, Dat is man een mojen Vers, dormit können wi leven. |
Bild: Wikimedia Commons |
|
un vergeev uns de Schuld, as ok
wi vergeven, De Worden gahnt uns so stur van de Lippen. Wenn du uns wirs so vergiffst, as wi uns Schüldigern vergeven, denn bünt wi ja alle mit 'nanner verlorn. Help uns, dat wi de annern vergeven könnt. Alleen schaffen wi dat wirs nich.
|
Un föhr uns nich Versöken, kannst du dat denn? Is dat wirs so to begrippen, Vader, as dat dor steiht? föhlmehr hool uns ut all Böösheit herut. O Heer, haal uns ut de Schlamassel rut, in de wi uns immer weer rinrieden dönt Immer weer pesseert dat, dat wi Saken maken, de wi gor nich doon willn. |
Hieronymus Bosch, Dat Böse in De Krüzigung |
Denn dien is dat Riek un de Kraft
un de Heerlichkeit
Laat uns nich vergeten, dat alle Macht bi di liggt. Dat wi burgen bünt, wenn wi man up di vertraun, dör Jesus Christus, uns Heer. Wo moi is dat, dat du uns Papa worden büst. Dank di dorför. Gloov, Leev, Höpen! Amen. |
|
31.12.2009
|