Sönndaoge in dei Passion
Sönndag Invokavit

Invokavit — Hei hätt roopen.

Hei röpp nao mi, so will ick up üm hörn; ick bün bi üm in dei Not. Dor will ick üm ruthaolen un hei schall achtet wern.

Passion — mit Lien up den Weg nao't Graff. Bild: Ludgerd Lüske

Well unner den Üppsten sienen Scherm sitt un ünner den Schadden van den Allmächtigen bliff, dei kann tau den Herrgott säggen: ick seih bätere Tien un mien Tauhuus, up mienen Gott kann ick mi verlaoten. Hei wohrt mi vör dei Fallen van den Jägersmann un vör leipe Krankheiten. Hei werd siene Flünke äöwer di un diene Taukunft hollen, vör sien Verlaot staiht Scherm un Schild. Siene Engels kreegen Order, sei schäöllt ünnerwägens up di uppassen un di vör Unglück wohren.