Merrn in düsse Daag

Skizze ut Hamborg-Horn


Middweek, Nieselregen. Trüch vun de Arbeit, wiesel ik noch rüm — Saken besorgen, nix vergeten, un denn noch de twee wichtigen Breven na de Post bringen! Nix vergeten, ik heff de Verantwoorten: de Verantwoorden, dat noog Geld in't Hus is, de Verantwoorden för min Arbeit, min Familie, de Veranwoorden, dat allens da is, to Hand is, de Verantwoorden, dat de Computer funscheneert…

Vör de Post in Hamborg-Horn

De ole Böök vör de wiedlöftige Post vun Hamborg-Horn woor verleden Johr fällt, de Platz wirkt beten kahl, avers de grote Magnolie schickt sik liekers an to blöhn. Noch kann se avers nich an gegen de lüchen Klöörenpünkt, de Buustedenfohrtüüg, Post un Telekom sett — avers ehr Tied kümmt bald. De Tied löppt, se scheest reinweg… Miteens holl ik inne: en Klock sleit. Avers se sleit nich de Tied; dat is en Karkenklock, bloots een, un se röppt… to Andacht. Passioonsandacht! Is ja Passioonstied… dat ik dat vergeten kunn… Wokeen sachs hengeiht, merrn in Horn, merrn in den hilden Alldag? Hebbt nich alle en Verantwoorden to erfülln? — Miteens schient avers de Klockenwieser sin Knööv to verleren, un dat föhlt sik an, as stünn een in en anner Welt: De dor röppt, is een, de de VeÖöl an'n Borrnrantwoorden för mi dregen will. Nich för min Computer, nich för min Arbeit, avers för mi as Minschen, as ganzen Minschen. Christus leevt, striedt un starvt tonoot ok för mi. Dat is en anner Welt as de vun'n Klockenwieser!

Bedächtig gah ik Richt tohuus. An'n Borrn schillert Ööl in'n Sand. Bi't Hoochkieken warr ik wat wieder weg en Auto wies, en blagen Kastenwagen. In dat deepe Blaag, natt vun'n Regen, spegelt sik de Hüüs vun gegenöver. De Schrifttoog "Vater" fallt mi in't Oog, un bi't nehger Henkieken www.vater-gmbh.de. Ik schudder. Dat blaage AutoWenn en Vadder, un amenn ok en Moder?, en Gesellschap mit beschränkte Haftung is, op wat schallt wi us denn verlaten? "Eltern haften für ihre Kinder." Ja? Wokeen övernimmt Verantwoorden ahn Beschränken? Ahn Wenn un Avers?

Liekers is dat natüürlich, dat wi us aftosekern versöcht, uns Haftung to beschränken söcht. Orr wi söcht us Maten in de Kniep — dor warrt denn en GmbH & Co. KG ut. Wokeen will alleen un ahn Schuul för allens graadstahn, wat sin Maten orr Kinner doot?

Vater GmbHDe Klock is nich mehr to höörn, avers ik weet dat. Ik weet üm een, de dat anners maakt. De in't Krüüz-Füür för anner gahn is. Wi hebbt amenn dochen en Vadder, de ahn Beschränken för sin Kinner haftet. För all sin Kinner.

 


Text un Biller: Marlou Lessing

24.3.07


na baven