St. Martin (Munster): Wiehnachtskrüppen
in einen Schaopstall, den man tau eine Karken ümbawde
Don wörd Zacharias, dei
Vaoder van Johannes, dörgleiht van den Hilligen Geist. Hei
füng an so tau schnacken as ein Prophet:
"Prieset wäs dei Herr,
dei Gott van Israel! Hei hätt nämlick sien Volk holpen un
hätt et befreit.
Hei hätt us einen starken Redder schicket, einen Naokaomer van
David, dei in sienen Deinst stünd.
So hätt Gott et alltied ansäggt dör den Mund van sienen
hilligen Prophet einen Redder, dei us befreit van use Feinde
un ut dei Gewalt van aale dei, dei us hasset.
Dormit hätt Gott uck use Vaoders siene Barmhartigkeit taukaomen
laoten. Hei hätt an den hilligen Bund dacht, den hei mit ehr
schluten dö.
Jao, hei hätt an den Eid dacht, den hei usen Vaoder Abraham schworen
hätt: dat hei us ut dei Hand van dei Feinde redden dö. So
käönt wi aohne Bange Gottesdeinst fiern hillig un
nao sienen Willen, in sien Biwäsen, solange wi läwet.
Aower du, Kind, wers dei Prophet van den Allerüpsten neumt. Bi
den Herr gaihs du vörup un dais dei Wege för üm taurechte
maoken.
Du giffs sien Volk dei Künne, dat dei Herr et redden will un
üm dei Schuld vergiff.
Use Gott hätt ein Harte vull mit Barmhartigkeit. Dorümme
kummp us dat Lecht ut dei Höchte tau Hülpe.
Et lüchtet för dei, dei in'n
Düstern un in'n Schadden van den Dood läwet. Et föhrt
use Fäute up den Weg van den Freeden.
(Lukas 1, 67-79)
Karken hll. Peter un Paul, Landsknechtplatz, Hadersdorf,
Hadersdorf-Kammern, Neernösteriek; Figur hl. Zacharias an den
lünken Sietenaltor
(mit lat. Zitaot ut dat Benedictus; Lk 1,69). Hier
mehr naokieken.
Hei hätt us einen starken
Redder schicket.
|