Wees fief Minuten still
5. November


Andacht vun Heinrich Giesen, in Platt bröcht vun Anke Nissen

Gott hett juuch beropen dörch uns' Evangelium.
Ji süllt Andeel hebben an unsen Herrn Jesus Christus sien Herrlichkeit.

Thessalonicher 2,14
Plattdüütsch: Rudolf Muuß

Dat mütt man heel genau lesen. Dat Evangelium kann beropen, hett also en wichtig Funktion.
Dat sünd nich blots vele Regen vun Sätze, de achtereenanner staht un dat Evangelium bildt.
Dat is nich blots irgendeen Book, dat Bibel nöömt warrt.
Dat is keen religiöös Schrieverie, de tohoop mit all de anner Schrieverien goot upbewohrt warrt.

Nee, wokeen mit dat Evangelium to doon hett, de hett sik up dit Evangelium inlaten, un nu kann wat — dörch dit Evangelium — an em passeern. Wokeen bi hitt Weder in de Neegde vun enen Springbrunnen rumlöppt, föhlt sik wat frischer, föhlt sik wat beter. Wokeen in de Neegde vun 't Evangelium leevt, an den passeern Saken, de in de Bibel "herrlich" nöömt warrt. Un jüst dorüm blievt wi ja in siene Neegde. Dorüm hebbt wi dat Evangelium leev. Dorüm sünd wi evangelisch.

Dat Wort bewirkt wat an uns:
Wi warrt för jümmer beropen,
wi süllt för jümmers Andeel hebben an Gott sien Herrlichkeit,
wi höört för jümmers mit dorto.

Gott will uns beropen dörch sien Evangelium, dat wi em tohöörn köönt — un nich uns sülven. Dat is dringend nödig.

Du hest uns herrlich maakt.
Dien Evangelium is bi uns ankamen.
Wi dankt di, o Christe.
Denn dat egentlich Problem vun uns Leven hest du dormit lööst.


To'n Anhören hier klicken:

Lesen deit Anke Nissen in Holsteiner Platt.


2.11.2010


na baven