Fohrkoort in de Ewigkeit

vun Sabine Brauer

Nee ok, wat is denn hier los? Bünt de Lü nu all mall worden? Se drängeln sük an't Kassen van d' Supemaarkt. Gau hebbt s'dat Nödigste inköfft. Van Doog is wat heel Besünners in d' Angebot. "Fohrkoort in d' Ewigkeit", so steiht dat dor in groode Buchstoaben up d' Plekoat. Dor mutt man doch mit. Dat lett man sük doch nich dor d' Fingers flutschen. Ik bekiek mi dat Spillwark. Dor licht wat in d' Luft. Dat ganze Gewusel van d' Minschen is as elektrisch loaden. Man blot noch 'n poor Stünn'n, denn bünt s' dor. In de Ewigkeit!

Se loaten allens hier torüüg. Se hebbt hört, dor geiht uns dat beter. Dor gifft d' kien een ohn Aarbeid, kien Schmacht, kien Dööst, kien Nied, kien Striet, kien Unfree. Jo, dor treckt hör d'hen. Hör letztde Cent geven s' dorför ut. Hier bruken 's ja nix mehr, as 'n bittje för unnerwegens. Wat man up 'n Reis so bi sük hett.

Nu ist d' so wiet! Tschüß seggen... Villicht lopen wi uns dor ja moal övert Wech. Noch 'n letzten "In d'Arm nehmen", un denn bünt s' verschwunnen.

'n sett loater. Ik bün noch hier. Harr dat nödige Kleengeld woll nich.

Doch wat is dat nu weer? All, de sük up Stapp moakt harrn, bünt nu weer dor. Wat is denn schäiflopen? All strömen s' mi verstört integen, uthööhlt un leechbraandt. Ohn Hopen för d' Tökunft! Se hebbt allens verlorn. Alleen loaten in 'n Welt, de hörs nich mehr is.

Wat weer pessärt? De Kaptein van d' Flieger harr d' rechte Wech verfehlt. Nu werrn s' al verlorn!

Weer man blot 'n Drööm.

Doch goahnt wi mit de Ewigkeit nich ok so um, as kunnen wi hör in d' Supermaarkt kopen?

Dat gift 'n beter Wech dorhen. Diesse Wech heet Jesus Christus!
He is de Wech, de Wohrheit un dat Leven. Nüms kummt na d' Vader as man blot dör hum.


30.5.2010


na baven