Opwaken, lütt Hauhn!Paaschen

vun Günter Weber


Nu geiht dat wedder op Paaschen to. Vun Dag weer ik mit mien Fruu niege Blaumen hålen. De Wiehnachtsstierns sünd nich mehr gaut vör dat Finster. Denn also rin in den Supermarkt. Ik denk, du sühst nich recht. Tschüüs! Die Wiehnachtsstiern is weg. In den Supermarkt, dår staht een Mümmelmann neven den annern.

Osterhasen. Bild: Wikimedia Commons
Osterhasen. Bild: Wikimedia Commons

Ik kiek noch maal, un denn mööt ik an Oster-Riemels van Hannelore Hinz dinken:

"Ganz babenan steiht't Osterei
Wat kakelt männig Henn', oh weih
Sei mööt nu flietig Eier drücken,
dat Osterfest sall wedder glücken.
Tuck-Henn' ward nienich dit verknuusen
Deit Mümmel mit ehr Eier suusen."

EierJa, ja, genau so süht dat in den Supermarkt ut.

As ik dat allens so seih, denn mööt ik an Ostern na den Krieg denken. Ja, ja: Häuhner harren wi denn ok all wedder. Ostern jümmer junge Häuhner, de leggten Paaschen de iersten Eier. Lütt un licht aftopöllen. — Dormit bün ik bi de Geschicht:
Mien Grootvadder kreeg Paschensünndag 5 DDR-Mark un güng dormit in den Kraug. Grootmudder weer jümmer wat knickerig. Ok mit de Eier op den Disch. — So gegen Avend keem mien Grootvadder na Huus. Dor stünn 'ne goot Schöttel mit Eier vun de Junghäuhner.

OpaWenn unsen Grootvadder so en Lütten sitten harr, denn weer hei jümmer an't Singen. O mien Gott!, uns Oma kreeg sik nich in.

Denn keem de grote Schöttel op den Disch. Uns Grootvadder füng an an, de frischen Eier to pöllen. Dat vergeet ik mien Levlang nich. Frischer Eier vun junge Häuhner.

Grootmudder mit de dree Enkeljungs, de se optrocken hett
Grootmudder mit de dree Enkeljungs, de se optrocken hett

Uns Opa harr eenmaal de Idee, so veel Eier to eten, as hei runner kriegen kunn. Up eenmaal kreeg hei de Schaal nicht miehr afpöllt. Uns Oma bleev de Luft weg: Opa mümmelte sik de Eier mit de Schåål rin. Je miehr Oma fünsch wöör, je miehr lachte mien Opa.

Een Leed, dat hei elkeen Paaschen süng, sien Paaschenleed, dat weer: "Und da saß ik met der Emma uff de Banke!"

So leep dat Paaschen elkeen Johr af, un ik heff mitmaakt un mi höögt. Richtig böös weer an Paaschen aver nüms.

Doran müßt ik denken, as ik den groten Hümpel vun Paaschhasen un Paascheier hüüt in den Supermarkt seihn heff.


15.2.2009


na baven