Schoolreformen...

Opschreven vun Rudi Witzke

Folg 5: Wat ut de Reformen worrn is


Wi, uns Vadder un sien beiden Söhns un uns Dochter Tina kunnen un köönt na den Groten Tweiten Krieg wedder bewiesen, dat wi School as "Schaffendes Schulvolk" verstahn. De Brunen harrn de Reformer wegjagt, insparrt, sogoor ümbröcht. De Ideen vun de Reformen levten aver wieder.Inglische Kuntrulloffzier

Klick op to'n VergrötternNa 1945 harrn de "Besatzer", de Briten in de Britische Zoon dat Seggen. Se müßten för allens de Verlööf geven, för Böker un Methoden. Se harrn de Upsicht!!

So üm 1947/48 aver kregen de Reformer, de överlevt harrn, dat Seggen. De Junglüüd an de Hoochscholen kregen in de Richt vun de Twintiger Reformjohr ehr Utbillung. Mit Schwung wullen wi för uns Schöler dat Best. Wi glöven, dat wi dat ok daan hebbt. Wi hebbt dat schafft, obschonst de Städer in Trümmer legen un vele Minschen in Baracken huusten.

Baracken

Aver de 68er-Upklärer sään, wi weern autoritäre Knaken un schullen de Poten vun "Erziehung" laten. Nu güng dat in de Scholen ganz schöön bunt to. "Antiautoritär" na "Summherhill" un so. "Das kleine rote Schülerbuch" vun 1970, druckt in Frankfort, geev Raatslääg, woans Schöler mit de Liehrer ümspringen schullen. "Alle erwachsenen sind papiertiger".
De "Zeitschrift för de Jugend" harr den Naam "underground". De Studenten un annern Intellenten harrn al siet 1967 ehr rodes Book: "Worte des Vorsitzenden Mao Tse-Tung." "In unserem großen Vaterland bricht eine neue Ära an." Dat kunnst dor lesen.

De 68er

De "Upklärer" orrer "Revoluzzer" vun 1968 hebbt in uns Land hüüt de Macht un dat Seggen in Politik un Wirtschaft. Un wat is hüüt nu Saak? Hebbt wi een niege "Äära"? Wat is mit de groot Frieheit?

En Liehrersminsch, de Hoochdüütsch snackt, mutt gegen SMS un Inglish Songs an. De Musiksenner Viva I un Viva II un MTV knallen de Kinner den ganzen Dag ut dat Kiekschapp de Ohren vull. Mit "Games" kannst in'n PC orrer mit en Speel-Konsool Minschen tweischeiten. "Bloot" flütt. Un för all dat gifft dat Punkte. Stunnen üm Stunnen wörgen uns Junglüüd in de "virtuell" Welt anner Minschen to Dood. —
Dorvun, meen ik, blifft wat in Köpp un Geföhl vun uns Junglüüd hangen. De kloken Köpp aver seggt, dat hett nix dormit to doon, dat Junglüüd in Banden anner Jungs un Deerns tosamenhaugen, ole Lüüd de Taschen wegrieten, verprügeln un se umstöten.

Qualitäätskuntrull. Teknen vun Rudi Witzke. Klick op to'n Vergröttern!Wat Kanzler Schröder vun "de fulen Säck", de Liehrer/schen höllt, dat weit elkeen in uns Land. Un so ward munter up de Liehrerslüüd schimpt un rümhackt.

In uns Bundesland hebbt se ut de Liehrerwiederbillung en "Institut zur Qualitätsentwicklung vun Unterricht und Erziehung" makt.
Ik heff hen un her grüvelt, wat "Qualitätsentwicklung" bedüden schall un kunn. Ik kann't dat nich verstahn un Qualitäätsverbedern direktemang ut dat Internet. Teknen vun Rudi Witzke. Klick op to'n Vergröttern!nich verkloren. In de Scholen kümmt meist nich veel vun disse "Entwickung" an, wat de "Nie-Reformer un -Reformerinnen" vun hüüt vun de Liehrerslüüd, de Öllern un de Schöler infeddern. "Stellen Sie sich vor," sä letzt een vun de kloken Verbedderschen to mi, "die machen einfach Dienst nach Vorschrift."

Ik weet keen Anter. Blots so veel: Je mehr Kaptalismus, je mehr Globaliseern, desto leger ward dat allens. Un "Qualtitäät" kannst bi't Dreihen vun Schruven un Muddern un bi de Elektronik vun en Auto "entwickeln", nich bi Kinneroptreckerie.

Niege Wöör beschrieven uns Tiet: Hartz IV, Swatt-Arbeid, Ich-AG, Een-Euro-Job, Single, Slötelkinner, Drogen, solke un solke, Alleenoptrecker/sch, Unnerhaltstahlen, KITA, Kinnerkrüff, Kinnerhort, Tostännige för Fruunsfragen, Emanzipaatschoon.
Dat Kiekschapp is vull vun echtes Morden un Scheiten, Krieg an so vele Steden in uns Welt, Unweder un veel, veel mehr, elkeen Daag wat Nieges. —

Un denn keem "PISA" över uns! Üm uns Scholen un "PISA" ward wild dischkereert. "PISA" is en Test, wat Schöler köönt. Un dor sünd de düütschen Kinner in Europa man blots Middelmaat orrer weniger. Dat geiht de Liehrer an den Kragen, wieldat ehr Gören to slecht bi den Test afsnieden.

Klick op to'n Vergröttern!Un "NELE" is fraagt. "NELE" is en Öllernberaden vun de "Qualitätsentwickler" ut dat Ministerium. De Optreckerie mutt beder funktschoneert. Öllern mütten liernen Öllern to sien!
Dat Legste is woll, dat wi dat nöödig hebbt, in een "Kriminaal-Präventschoon" mit Schandarms, Jugendamt, Püschologen un Schoolmeister to beraden, woans een Aggreschoon in Scholen un up de Straat minnern kunn. Ja, Kinner liernen Kampfsport, Aikido, Judo, Kendo, Sumo orrer Hung Kuen, dat se sik ehr Huut wehren köönt.

Aikido

Geiht dat al wedder los mit de Schoolmeister-Klooksnackerie? Denn maak ik lever Sluß un wünsch all de Minschen, de in de Scholen un annerswo togang sünd, allens Gode, mit un ahn Reform. Villicht mit Vertruun, Hartlichkeet, Gedüür — un Leev? Un veel, veel Tiet!! ——

TosamenslaanLetzt Week hebbt so an twintig 13-14-Jöhrige bi uns in't Dörp in'n Bäckergang en Mitschölerin över een Stunn krankenhuusriep slaan. Dor mutten opwussen Lüüd vörbigahn sien.

Ne, noch nich Sluß. Nu kümmt de Knüller: Heel wat kurioos is, wat se gistern, an'n 6. vun Märzmaand 2005, uns in't Kiekschapp verklickert hebbt: In Finnland sünd de Kinner mit PISA an'n besten in Europa trecht kamen, vertellt de Fack-Fruu. Dat wüßten wi denn ja schon al. Un woran liggt dat? De Dörper in Finnland sünd lütt, se liggt wiet utenanner. Dor warden tominnst in de ersten veer Johr de Kinner in "sogenannte Einklassige Schulen" Schoolstuuv vun en eenklassige Schoolünnericht. Un se verkloort, wat wi al weet: Een Klassenstuuv, een Liehrer, all Schooljohr tosamen, so twüschen 15 un twintig Kinner in de School! De Kinner köönt tohören un still arbeiden. Se bruukt keen Tabletten to'n Betehmen. Dat sünd schiere, gesunne Kinner! Un noch maal: Se sünd Eerste bi PISA!!

Eenklassige School

Wi hebbt in uns Land Holsteen un in ganz Düütschland in de ländlich Gegen mit groten Iefer de Eenklassgen Scholen, wieldat se nich dögen, to groote Scholen tosamenleggt, Fabrik? Nee, Schoolzentrum"Zentren" mit veele Milliarden DM buut, de nu för Milliarden € repareert warden mütt. Dat Geld is nich dor.
De Kinner föhren so bit to een Stunn mit'n Bus morgens hen na School, hen na de wracken "Zentren" morgens fröh in'n Düstern, ja ok un graad de Lütten, un meddags retuur.

Un nu de Bott ut Finnland! Is to'n luud Lachen, wenn dat nich üm uns Kinner güng.

Mien Vadder weer von 1922 bis 1967 Liehrer up't Dörp in een Eenklassge School, en Schoolmeester vun andurende, jümmer niemoodsch Schoolreformen, de funktioneerten. De Stadtliehrers harrn för de armen Dörpschoolmeester nich maal en mödes Smüstern.


Vadder danzte mit sien Kinner...

Vadder danzt mit de Kinner. Klick op to'n Vergröttern!

...un ik ok.

Ik ok! - Klick op to'n Vergröttern!

De Kraunen warden jümmer danzen.


Fotos: Rudi Witzke, hist. Fotos, Fotos mit Nüttenverlööf
31.7.2005


na baven