Woarüm hett de Modersproak mi so veel to bedüüden? vun Ewald Eden |
Ikk hevv mi all mennichmoal froacht, woarüm Modersproak bi aal Minschen in Kopp un Haart nich de sülvige hooge Weert hett. Föör mi givt dat blods een Verkloaren man mutt eenmoal bi annern beläävt hemmn, wu deep Modersproak in een Haart Wuddels schleit, wenn see denn in d Kindheit van een Minsch wussen is. Denn is Modersproak as Giersch, man kann hör an d Liev goahn as man will see faangt jümmers wäär an to wassen un bleuen. Sülvst denn, wenn man füfftich Joahr nix van hör hört un sehn hett. Mi is so een Belääven schunken worden.
Vöör mi har ikk Dach föör Dach Minschen ut alle Winden, de ok netso buntklöärich schnakken deen, as hör Herkoamen verscheeden wee. Achter mi in d Köäken har mien Moder dat Regiment in d Füüsten. Tüschen Köäken un Tresen leep de Kommunikation up Platt hen un her liekers vöörn in de Gaststuuv Hochdüütsch ansächt wee. Alleen all üm Havarien bi d gägensiedich Verstoahn ut de Padd to goahn. Wiel mien Noa-achtern-Prooten anners as dat Noa-vöörn-Schnakken
wee, fööl sükk een Deel van us stoadich Gasten van
mi as Steefkinner behannelt, un har mi deswägen verdönnert,
schnaas noa Middennacht ok noa vöörnhen blods Plattdüütsch
to schnakken. De meesten kunnen mi joa mittlerwiel all good An een grieseligen Haarstdach seech ikk schnoabends ünner us Gasten een frömmdet Gesiächt. Een middelöller Riederspoar ut de Noaberschkupp har een Unkel ut Bajuwarien to Visit un har de in d Krooch mitbrocht. Son bietji fööl dat ole Mannsbild sükk woll an de verkeerde Stää versett so as he ovkant in de Ekk hukel. Ikk spöär dat woll, oaber de Bedriif har mi so fast in d Greep, dat ikk de eerste Stünns dor över wächkoamen bün. De Oabend kreech all laang Hoar as de Bedriif wat sinniger un de Gasten wat ruhiger woorden. Ikk kunn mi tüschenin ok allmoal een poar Minüten verpusten, un dat frömmde Gesiächt har sükk inläävt. Klokk Middennacht muß ikk denn joa noa Plattdüütsch röverwesseln. Twee Minüten vöör de Tied keek nämich all jeden noa de Klokkwieser över d Beerhoahn un luur up een Tresenschlukk jümmer in d Achterkopp dat Denken, hoapentlich vergätt he dat Plattschnakken. Noa mien eersted Plattdüütsch Räsoneern muß
ikk furss in de Köäken suusen, wiel in de Paan Stükk
ov wat Speegeleier hochkant an broaden ween un de Köäksche
all Fieroabend har. As ikk He wee gebürtich ut Oostfreesland un in d Öller van achtein Joahr wäägen de Aarbeit up de Günntsied van d Weißwurstäquator trukken. Szäßtich Joahr har he keeneen Plattdüütsch prooten hört. Dör mien Schnakkeree wee he in sien Denken un Föölen tomoal wäär de lüütji Jung van d Diek, de van Oma in d Aarms noamen un an hör weeke Böst dukelt wuur, wenner hüm moal irgendeen Bedrüüs dat Haart schwoar mook. |
5.9.2010 |