Melkquell

Im Märzen der Bauer...


...die Rößlein einspannt. Vörbi, allens vörbi. Hett sik veel verännert in de letzten 30 Johren.

Wi köfft de Melk noch bi'n Buern. Direktemang vun de Quelle, genannt Euter. Mollig is dat in'n Stall. Twintig Keuh gifft bannig veel Warms. De Kalver stoht achtern un kriggt de Buddel. Un uns Buer kriggt af un an mol wat Kalfmit'n Steert, wenn he nich oppasst. "Anmelken" ward noch mit de Hand mookt. Achterno kümmt de Melkmaschien.

Irma, de Koh

SwulkÖverall in'n Stall sünd de Nester vun de Swulken. Twee, dree Mol in't Johr gifft dat Nowass. Wenn de MinkaDrütten to loot ut dat Ei kruupt un villicht ok noch wat mit de Futteraasch nich klappt, loot de Ollen de Lütten eenfach alleen un mookt sik op de wiede Reis. De Lütten starvt no kotte Tiet.

Ok Muschi Minka hett tweemol in't Johr Nowass. Obers de paßt op — dor kann ik en Leed vun singen.

Op'n Böhn hett een Uul ehr Nest.

En Stück heele Welt? Wi beleevt noch de Johrstieden: Fröhjohr, Summer, Harvst, Winter.

plögen Buur

Wi snackt mit den Buurn vun düt un dat. Vun de Priesen, vun de Sorgen, de he hett. Mit de Melk un de Deerten.

arrogante Peer"Die Rößlein" spannt he nich mehr an. De tummelt sik mit noch 15 annere op de Wischen un ward heegt un pleegt vun enen Swarm, to'n Deel opdunnerte, Frunszimmer. De, de en Rassepeerd hett, snackt nich mit de, de blots en Pony hett. Un uns, mit Fohrrad un Melkkann, ward al gor nich goden Dag seggt. Uns Buer smuustert blots to all dat Theoter. "Lot den Söhn man moken", grient he.

SwienEen Johr will he noch op'n Hoff mit anpacken, denn sett he sik to Roh. Sien Fro hett ok keen Heuhner mehr. Se mutt arbeiden, vunwegen de Rente. Denn de Hoff smiet nich mehr veel af.

Ober nu kümmt no den chinesischen Klenner dat Johr vun't Swien, un dat bringt Glück.

Dat Swien un de Buer hebbt sik nich mehr bemött. Morgens bi'n Koffi is he eenfach op ewig inslopen.

He wull ok nienich Swien hebben.


Silke Frakstein


na baven