Kröpeliner Duur

Ann' soebenteinsten (17.) April droepen sick de Krinkfrugens ann Kröpeliner Duur. Wi harrn beschlaten, denn' Wall to erkunn'n. Toierst güngt ünnen rüm. Vör mi wier dat een Erläwnis, denn ick wier woll vör fiefundördig (35) Johren toletzt roewer gahn.

Wie hett sick dat allens verännert" He is plächt worden — Spalierhölter upstellt, de nu mit greun Planten berankt sünd, Blaumenrabatten anlecht un de Tiedingsbläuder steckten de Köpp all rut. Höger güngt, un väl exotisch' Büsch sümten denn Wech — Büsch un Strüker, dessen Namen mi nich bekannt sünd. Up einen Kinnerspälplatz harr man ein schnitzt Holtfigur'n, Schlang'n, Klarrergerüst, Rutsch un väl miehr upstellt.

 

Een Murrer mit Kind vergneugten sick dor. De Sünn keek dörch dat Gebüsch, alln's lücht' in väle Farb'n un dortau twischerten de Schwartdrosseln ehr Lied. Een Rotkehlchen seet up ein'n Ast un poor Duben flögen hen nun her — de Natur wier upwockt.

Wieder güngt ne Platanenallee lang bit an de Düwelskuhl. Heww gor nich wüßt, dat dat dor ein' Kuhl giwwt. Vertellt wüür, dat sei siehr deip iss un so männich Lüd ehr Läben dorin verluurn harrn.

Ingang na dei Düwelskuhl

An'n Grund vun'e Düwelskuhl is Warer

De Kuhl sall ok Verbinnung to de Warnow ann' Strann hemm, wenn Frühjohrs de Stürm kaemen, sticht dat Worer in de Warnow an, denn sall ok de Düwelskuhl ein'n hogen Worestand hemm. Erforscht is't oewer nich.

So, nu führt een Wech ganz na baben. Ick wier bass erstaunt, wat för en Uuutblick ick hier heww. As ick nu ganz deip na ünn'n keek, dor schwämmten up denn Waareloop väle Aanten, de tögen ehre Kreise un täuwten woll up Lüüd mit ehr väle gauden Happens.

Dei westlich Ingang na dei Wallanlaag

Allens so schöön bunt hier, ook dei Kopp...?!

Na klaar, en nakelt Fruunsbild un dei Hormone vun pubertierende Einzeller-Brägens...

 

Hier boben stohn ook Bänk un Blaumenplanten. Ook de ünner Naturschutz stohende Schachbrettblaum kreech ick to seh'n. Uut dat Staunen un Wunnern kaem ick gornich ruut. Mien Krinkfrünn'meinten, ick heww all wat versüümt.

Hier giwt dat nich blots Freu', denn dei Skulptur hebb'n weck total mit Ölfarw beschmert, Papier un leer' Flaschen, sonn Hackenwaermer leegen in de Gegend verstreut un Blaumenplanten sünd einfach klaut worrn. Mi kaem dat Märchen von de "Golden Gaus" in denn Sinn — kläben blieben müsstens, bit de Polizei kümmt!

De Arme!

Noch en nakelt Fruunsbild, avers nich so bunt

 

 

 

 

 

 

 

 

 

An'e Stadtmuur

Een bäten verargert güngen wi tröch to de Stadtmuer un dor güng't de Treppen runner in denn Klosterhoff von dat Kulturhistorisch' Museum. Harrn bannig väl Freu bi dat Kaffeedrinken.

Dat Kloster achter dei Stadtmuur

Gudrun Thomas (April 2012)

---

---

Ein Fotopirsch un Harwstwannerung oewer denn Oberwall an'n Dach na den soebenten Oktober

Disse Wannerung oewer denn Oberwall heww ick tauierst maakt, üm Biller för Frau Thomas tau scheiten, doch glieks naehm mi datt Harwstfarbenspääl in sienen Bann. Ick güng einen annern Wech, datt heit von West na Ost. Glieks stüürte ick up dei Düüwelskuhl tau, dei up linker Siet schon tau seihn wier un mit Gegenlicht upnahmen warrn müsst. All'ns iss von Greun ümgäben un ganz deip ünnen schimmert datt Waarer dörch dei greun-bruunen Boem, inn Hinnergrund wier dei Turmspitz' von dat Kröpeliner Duur tau seihn.

In dei Düwelskuhl

In dei Düwelskuhl

In dei Düwelskuhl

In dei Düwelskuhl

Mal ehrlich, welkeen kunn ehr denn sowat andoon un ehr mit Farv beklein?!

Ass ierstes naehm ick ein' n Mann gewohr. Dreckhümpels heww ick nich miehr funnen, inn Gägendeil, ick dröpp einen Mann mit Hund und dei un sammelte flietich in sien'n blagen Plastebüütel rin, watt unvernünftich Lüüd fallen laaten harr 'n.

Doch dei farwbeschmeerte Frugensskulptur in dei schöne Blaumenrabatt' argerte mi genau so. Aewer ganz inn Stillen maakt sei bi mi einen schillernd'n Indruck, ick kann mi nich dorgegen wehr'n.

 

 

Stadtmuer un Boems erläwte ick so wie Fru Thomas. Ick fünn ook dei Kinnerspaelplätz' un maakte Upnahmen von baben her in denn Ünnerwall, dei allerdings nur tau erahnen iss, so dicht iss noch datt Greun, Bruun und Rot. Üm mi herüm leegen un fallen brune Blaerer, dei Harwst kümmt mit Macht.

Stadtmuur

Stadtmuur mit Kloster

Dei Klosterkark

Ingang vun Oosten

In dei Anlaag warrt arbeit'

Na denn Prost!, seggt dei Drinkersche

Ick stuerte up den Upgang tau un mücht giern uns leiwliche "Drinkende" seihn. Ehr iss schon nauch Unheil passiert, denn sei wier von geldgierig Deiws uut de Verankerung ruutraeten worrn un klaut. Wohen sünd wi nur kamen in disse Gesellschapp? Taun Glück giwwt datt noch gaude Minschen, de Geld spend't hemm, un so stünd ook för mi hüüd Morgen "Die Trinkende" in ehr Schönheit werrer vör mi. Von allen Sieden heww ick Biller maakt un mi dorbi freut.

Dat mutt ja ganz wat Leckers sien in dei Schaal...

In'n Achtergrund dei Musikschaul

Nu is dat aver naug, dei Drinkersche wiest den Achtersteven...

Den Plan von de Wallanlaach hebbt die Schmeerdeiwels ook nich in Ruh' laaten, doch baeten kann man noch laesen.

Jaja, de Regeln warrn braken, jüst da, wo se upschräven sünd!

In aller allerschönst' Pracht künn ick de sanierte un ümbuuchte, fast wi nie worrn (ehem. Große Stadtschule) Musikschaul in gääl-witt Farw seihn. Is ein Schmuckstück worrn!

Musikschaul an'n Rosengarten

Stadtinformation

Ook de hüüdige Rostock-Informatschon kann sick seihn laaten, früher stünn hinnerehr datt Stadtgefängnis, is nu ein Parkplatz för ein Hotel. Glieks dorhinner föll mien Blick dörch de Breide Straat up dat Hoochhuus inne Lange Straat. Ook datt Fiefgäbelhuus mit dat Glockenspääl is ümmer werrer scchön antauseihn.

Uni-Bökerie

Hoochhuus Lange Straat

Hoochhuus Lange Straat

Uni mit Brunnen vun dei Lävensfreud'

Lävensfreud'

Doch nu naehm mi dei Universität un dei "Brunnen der Lebensfreude" gefang'n. Up eis entdeckte ick einen Plan, de up de Sanierung henwieste. Dor saeh ick denn Namen "Grebin" un wüür an mienen Brauder erinnert, die hier ook in Rostock wierkt harr. Sien Soehn, mien Neff ' un sien Fru sünd dorför verantwuurtlich. Dei harr wi sien Varrer lang Johr in Poltawa und Moskau studiert, beid' ehren Dr. Ing. maakt, nur mit einen lütten Ünnerscheid. Mien Brauder is allein na söben Johr trüchkamen, sien Soehn oewer hett sick in ein Ukrainerin, Walja, ook Architektin, verleiwt un sei mitbröcht un hier heurat'. Nu sünd sei ass "Grebin, Architekten" för ditt grote Projekt verantwuurtlich. Ook ehr Kinner, bitt up ein, hebbt watt mit Treiken tau dauhn. Naechste Johr warr ick mi mal von eheren Innenuutbu oewertügen. Datt giwwt denn werrer einen Harwstspaziergang — dittmal dörch dei Innenstadt.

Noch mihr Lävensfreud'

Ok ein Lävensfreud': Stolt up uns Lüe

Lävensfreud': Schöne Utsichten vun ein' niegen Balkon

Uni-Gävelfront

Denn Awschluß bild't natürlich datt Kröpeliner Duur, dörch dei früher noch de Straatenbahn dörchführt wier un vör datt Duur oewer ein Brück' (för de Hafenbahn buut worrn iss). Schon sied dei 60er Johr giwwt beides nich miehr un ok ick erlääwte nu noch dei niege Gestaltung von den Duur-Vörplatz. Ick maakte nur ein Upnahm von dei Arbeiden, denn denn Blick von hier hääw ick mi för denn Harwst 2013 up, denn warrt sicher all' ns farrich sien.

Tunnel vun dei ole Hafenbahn

Kröpeliner Duur

Ganz hartlich will ick mi bi Fru Thomas bedanken, denn dörch sei bün ick up de Idee kaamen, disse Wannerung inn Harwst oewer de Wallanlaach tau maaken.

Jenny Petra hett ehre Gedanken mit denn ingängigen Text "Rostock, Rostock, du bist wunderschön…." sung'n — ditt Lied kann man ümmer werrer giern hüürn, leider is dat in Vergätenheit geraden. Ook deshalw will ick all Strophen hier taun Schlutt in Erinnerung bringen:

 

Rostock, Rostock — du bist wunderschön,
schon so alt und doch so jung.
Wer dir, wer dir in's Gesicht geseh'n,
sagt, du hast den richt'gen Schwung.

 

Stolz fahr'n deine Schiffer in die Welt hinaus,
künden von dem Frühling, hier bei uns zu Haus'.
Jeden Sommer tummeln sich an deinem Strand
tausend Badenixen, knusprig braun gebrannt.

Seht die neuen Häuser — Südstadt, Lütten Klein,
seht die frohen Menschen und stimmt mit uns ein:
Einst nur kühne Träume, heute Wirklichkeit,
schaut Euch diese Stadt an, Spiegel uns'rer Zeit.

Ingang vun Westen, Allee

Rostock, Rostock — du bist wunderschön,
schon so alt und doch so jung.
Wer dir, wer dir in's Gesicht geseh'n,
sagt, du du hast den richt'gen Schwung.

Jenny Petra, Rostock, Rostock Lyric